استانادا «قازاق حاندىعىنىڭ 550 جىلدىعىنا» ارنالعان كەش وتەدى
دەپ حابارلادى اتالعان باسقارمانىڭ باسپا ءسوز قىزمەتىنەن.
تاريحي تانىمدىق كەش وسىدان بەس جارىم عاسىر بۇرىن قۇرىلعان قازاق حاندىعى جونىندەگى ەڭ بەدەلدى ءارى بىردەن- ءبىر دەرەك - مۇحاممەد حايدار دۋلاتيدىڭ «تاريحا راشيدي» ەڭبەگىنەن الىنعان ۇزىندىمەن باستالادى. سودان كەيىن، كەرەي مەن جانىبەك حاندار تۇسىنداعى قازاق مەملەكەتىنىڭ قۇرىلعان ۋاقىتىنان قازاق حالقىنىڭ باسىنان كەشكەن ءىرى وقيعالارى باياندالادى. وقيعالاردى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى ارتىستەرى ساحنالىق قويىلىمدار ارقىلى سۋرەتتەيدى.
سونىمەن قاتار، كەشتە جىرشى الماس الماتوۆ، ءداستۇرلى انشىلەر ەرلان رىسقالي، ايگۇل ەلشىبايەۆا، «الاش ۇلى» توبى، «ناز» مەملەكەتتىك بي تەاترى جانە ت. ب. ونەر كورسەتەدى.
اتالعان شاراعا قازاقستان رەسپۋبليكاسى پارلامەنتى ءماجىلىسىنىڭ جانە قالالىق ءماسليحات دەپۋتاتتارى، جەرگىلىكتى مەملەكەتتىك ورگان باسشىلارى، زيالى قاۋىم وكىلدەرى، ءتىل جاناشىرلارى مەن قالا تۇرعىندارى شاقىرىلادى.
