الماتىدا ناۋرىز مەيرامى «قازاق حاندىعىنا 550 -جىل» ۇرانىمەن وتەدى
«ناۋرىز مەيرامى بيىل ەرەكشە وتكىزۋ قولعا الىنعان. بيىل قازاق حالقىنىڭ تاريحي تامىرىنان سىر شەرتەتىن تاقىرىپتىق كورمەلەر ۇيىمداستىرىلادى. قالانىڭ بەزەندىرىلۋى دە 15 - عاسىرداعى قازاقتىڭ ەتنوگرافيالىق ستيلىندە بولماق. مەيرامدى مەرەكەلەۋگە تەك قالالىق ۆەدومستۆولاردان بولەك قالاعا جاقىن ورنالاسقان اۋداندار تالعار، قاراساي اۋداندارى دا جۇمىلدىرىلاتىن بولادى» ، - دەدى راشيدا تىليۆالدييەۆا.
باسقارما وكىلىنىڭ ايتۋىنشا، بيىل ناۋرىز مەيرامى قارساڭىندا قالا كوشەلەرى جابىلمايدى.
«جول قوزعالىسىن ءتيىمدى ۇيىمداستىرۋ ءۇشىن نەگىزگى مەرەكەلىك قويىلىمداردى الماتىداعى ورتالىق مادەنيەت جانە دەمالىس ساياباعىندا ۇيىمداستىرامىز. مۇندا ۇلكەندەرگە، بالالارعا ارنالعان ارنايى ايماقتار قالىپتاستىرىلادى. ۇلتتىق ويىندار، ۇلتتىق تاعامداردان ءدام تاتۋعا ارنايى الاڭدار، ينتەراكۆتيۆتى ايماقتار جاسالادى. قالانىڭ سىرتىنان ورتالىق ساياباققا تاسىمالداۋ ءۇشىن ارنايى مارشرۋتتىق اۆتوبۋستار شىعارىلادى» ، - دەپ قورىتىندىلادى مادەنيەت باسقارماسىنىڭ وكىلى.
ونىڭ ايتۋىنشا، بيىلعى جىلدىڭ ايتۋلى داتالارىنىڭ ءبىرى - قازاق حاندىعىنىڭ 550 -جىلدىعى اياسىندا الماتىدا وتەتىن ءىرى شارالار تۋرالى تۇجىرىمداما اقپاننىڭ ورتاسىندا بەلگىلى بولادى.
اۆتور: گۇلميرا عوسمانالي
