جامبىل وبلىسىندا قازاق حاندىعىنىڭ 550 جىلدىعىنا ارنالعان ماڭىزدى وقيعالار وتەدى

تاراز. قازاقپارات - جامبىل وبلىستىق اكىمدىگىنىڭ باسپا ءسوز قىزمەتىنەن حابارلاعانداي، تارازدا ءبىرقاتار مادەني- سپورتتىق شارا وتەدى.

 «ەلىمىز ءۇشىن تاراز قالاسىنىڭ ماڭىزى زور، - دەپ اتاپ وتكەن بولاتىن جۋىردا وڭىرگە جۇمىس ساپارىمەن كەلگەن ق ر پرەمەر- ءمينيسترىنىڭ ورىنباسارى بەردىبەك ساپاربايەۆ. - وسى ولكەدە بۇرىنعى زاماندا تالاس پەن شۋ وزەندەرىنىڭ اراسىندا كەرەي جانە جانىبەك سۇلتاندار قازاق حاندىعىن قۇرعان».

ۇلتتىق مەرەيتويدى اتاپ وتۋگە جانە وعان دايىندىققا 22,7 ميلليارد تەڭگەدەن استام قارجى ءبولۋ قاراستىرىلعان.

 تارازدا بۇل ماقساتقا، الدىن الا بولجام بويىنشا، 13,4 ميلليارد تەڭگەدەن استام قاراجات بولىنبەك. «كونە تاراز» جوباسىنا عانا شامامەن 6 ميلليارد تەڭگە جۇمسالماق.

اقپان ايىندا جاس اقىنداردىڭ رەسپۋبليكالىق ءمۇشايراسى وتەدى. مامىر ايىندا قولونەر شەبەرلەرىنىڭ وبلىستىق «قولونەر - حالىق قازىناسى» كورمە- جارمەڭكەسى، «قازاق حاندىعى تۋ تىككەن ولكە» ەكسپەديتسياسى وتەدى. جامبىل وبلىستىق دراما تەاترىندا ق. ىسقاق پەن ش. قۇسايىنوۆتىڭ «قازاقتار» تاريحي دراماسى ساحنالانادى. تارازدا «حان كۇرەڭى» كيىز ۇيلەر قالاشىعى پايدا بولماق.

قىركۇيەك ايىندا قازاق حاندىعىنىڭ 550 جىلدىعىنا ارنالعان تەاترلاداندىرىلعان قويىلىم، رەسپۋبليكالىق اقىندار ايتىسى، «قازاق حاندىعىنىڭ قۇرىلۋى جانە تاريحى» كىتابىنىڭ تانىستىرىلىمى وتەدى.

 سونداي- اق، تارازدا «قازاق حاندىعىنىڭ 550 -جىلدىعى» مونۋمەنتى اشىلادى. «تاراز - عاسىرلار كۋاسى» كورمەسى، تارازىعا ق ر پرەزيدەنتىنىڭ سىيلىعى قويىلاتىن قازاقشا كۇرەس بويىنشا «ەۆرازيا بارىسى» حالىقارالىق تۋرنيرى مەن ۇلتتىق سپورت بويىنشا جارىستار ۇيىمداستىرىلادى.

 قىركۇيەك ايىندا قىتايدىڭ شيان قالاسىنان ۇلى جىبەك جولىنىڭ بويىمەن كەلە جاتقان كەرۋەن ەكسپەديتسياسىنا قاتىسۋشىلارمەن كەزدەسۋ وتەدى.

قاراشا ايىندا تارازدا «تەكتى ءسوزدىڭ تورەسى - تەرمە» رەسپۋبليكالىق تەرمە بايقاۋى وتەدى.