ت. سادىق ۇلى: قازاق حاندىعىنىڭ 550 جىلدىعىن مەرەكەلەۋ ماڭىزدىلىعىن ەڭ الدىمەن جاستارعا ۇعىندۋرۋ كەرەك - كەسكىن

استانا. قازاقپارات - جىل سايىن وتەتىن گۋميليەۆ وقۋلارى بيىل قازاق حاندىعىنىڭ 550 جىلدىعىنا ارنالماق. BNews.kz تىلشىسىنە سۇحبات بەرگەن ل. ن. گۋميليەۆ اتىنداعى ە ۇ ۋ تاريح فاكۋلتەتىنىڭ دەكانى، تاريح عىلىمدارىنىڭ دوكتورى، پروفەسسور، تاريح جانە قوعامدىق عىلىمدار اكادەمياسىنىڭ اكادەميگى تىلەگەن سادىق ۇلى وسى ءدۇبىرلى تويعا وراي وقۋ ورنىنىڭ قابىرعاسىندا وتەتىن شارالار تۋرالى اڭگىمەلەپ بەردى.

«جالپى، ەل بويىنشا بۇل مەرەيتويدى اتاپ ءوتۋ ءۇشىن اۋقىمدى شارالار جوسپارلانعان. سونىڭ ىشىندە، ءبىزدىڭ ۋنيۆەرسيتەتىمىزدە بىرنەشە ءىرى شارالار بەلگىلەنىپ وتىر. ءبىراق، ءبىزدىڭ ەڭ باستى ۇستانىمىمىز جانە ۇستازدار الدىنا قويعان مىندەتىمىز -  تاريحشى جاستارعا عانا ەمەس، باسقا ماماندىق يەلەرىنە دە تاريحتى ءسىڭىرىپ، وسى مەرەيتويدىڭ ماڭىزدىلىعىن ۇعىندىرۋ. ياعني، جالپى، تۇگەل ستۋدەنتتەر اراسىندا تاريحتى ناسيحاتتاۋ»، - دەيدى فاكۋلتەت دەكانى.

تىلەگەن سادىق ۇلى اتاپ وتكەندەي، داستۇرگە اينالعان گۋميليەۆ وقۋلارىنىڭ بيىلعى تاقىرىبى -  قازاق حاندىعىنىڭ 550 جىلدىعى.

«جىل سايىن وتەتىن گۋميليەۆ وقۋلارىنىڭ بيىلعى تاقىرىبى وسى قازاق حاندىعىنىڭ 550 جىلدىعى بولىپ وتىر»، - دەپ حابارلادى فاكۋلتەت دەكانى.

كەنجەكەي توقتامۇرات