الماتى «قازاق حاندىعىنا 550 جىل» مەرەكەسىن باستاپ كەتتى
التى ءبولىمدى كورمەگە قازاق، ورىس، شەت تىلدەرىندەگى جانە سيرەك كەزدەسەتىن كىتاپتار مەن قولجازبالار قورىنان 3 مىڭنان استام ەڭبەك قويىلعان.
ۇيىمداستىرۋشىلار كىتاپ كورمەسى ارقىلى قازاق حاندىعىنىڭ تاريحىن، ەلىمىزدىڭ وركەندەۋى مەن نىعايۋىنا ءومىرى مەن قىزمەتىن ارناعان كورنەكتى تاريحي تۇلعالاردىڭ ەڭبەكتەرىن جانە ەسىمدەرىن كورەرمەنگە ناسيحاتتاۋدى ماقسات تۇتىپ وتىر.
«2015 - جىلدى ۇلتتىق تاريحىمىزدى ۇلىقتاۋ مەن بۇگىنگى بەلەستەرىمىزدى باعالاۋ تۇرعىسىنان مەرەيلى بەلەستەر جىلى دەپ ەسەپتەۋ كەرەك» دەپ مەملەكەت باسشىسى ءوز جولداۋىندا ءبىر ەمەس بىرنەشە رەت ايتتى.
2015 - جىل جالپى قازاق حاندىعىنىڭ 550 جىلدىعى رۋحىندا وتەتىن بولادى. قازاق حاندىعىنا نەشە جىل بولعانىن بۇرىن ناقتى بىلمەي كەلدىك. بۇل داتا بىزدە عۇمىرى تويلانباعان. ءبىرىنشى رەت تاۋەلسىزدىك العاننان كەيىن مەملەكەتىمىزدىڭ اتىن اتاعان ۇلكەن توي تويلاعالى وتىرمىز. جىل بوي ۇلكەن شارالار وتەدى. سولاردىڭ ەڭ الدىندا كەلەر جىلدى كۇتپەي ۇلكەن كورمە جاساپ جىبەردىك. وعان سيرەك قوردان الىنعان كىتاپتار مەن كۇنى بۇگىنگە دەيىنگى زەرتتەۋلەر قويىلادى. باسقا مەكەمەلەر ۇلتتىق كىتاپحانادان ۇلگى السىن»، - دەدى كىتاپحانا ديرەكتورى الىبەك اسقاروۆ.
سالتاناتتى شاراعا قاتىسقان تاريحشى، عالىمدار، زيالى قاۋىم وكىلدەرى قازاق حاندىعى مەن قازاق مەملەكەتتىلىگىنىڭ قالىپتاسۋ تاريحى تۋرالى تالقىلادى.
كورمە اياسىندا كەلۋشىلەر نازارىنا رەجيسسەر قانات ەسەنامانوۆتىڭ «ءابىلحايىر حان» اتتى دەرەكتى فيلمى ۇسىنىلدى.
اۆتور: گۇلميرا عوسمانالي
