ەلوردادا 5500 دەن استام بوس جۇمىس ورنى بار

None
استانا. قازاقپارات - قازىرگى ۋاقىتتا استانادا 5 مىڭنان استام بوس جۇمىس ورنى بار. بۇل تۋرالى استانا قالاسى اكىمدىگىنىڭ «ەڭبەك موبيلدىلىگى ورتالىعى» مەكەمەسىنىڭ ديرەكتورى ولجاس ومار ءمالىم ەتتى، دەپ حابارلايدى قازاقپارات ءتىلشىسى.

«بۇگىندە ەلوردادا 5500 دەن استام بوس جۇمىس ورنى بار. ورتالىقتىڭ الەۋمەتتىك جەلىلەردەگى پاراقشاسى كۇن سايىن جاڭارتىلىپ، سونىڭ ىشىندە مۇمكىندىگى شەكتەۋلى جاندار ءۇشىن دە بوس جۇمىس ورىندارى جاريالانادى. ازاماتتاردى جۇمىسپەن قامتۋ اياسىندا «الەۋمەتتىك جۇمىس ورىندارى» باعدارلاماسى بويىنشا ءبىر جىلعا جۇمىسقا ورنالاسۋعا بولادى. جالاقى كولەمىن جۇمىس بەرۋشى بەلگىلەيدى جانە جارتىلاي «مانساپ» ورتالىعى جابادى. قازىرگى ۋاقىتتا 300 دەن استام ادام جۇمىسپەن قامتىلدى»، - دەدى ولجاس ومار قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، قالادا بوس جۇمىس ورىندارىنىڭ جارمەڭكەلەرى وتەدى.

«ءبىزدىڭ ورتالىق بوس جۇمىس ورىندارى بويىنشا ءجيى جارمەڭكەلەر ۇيىمداستىرىپ تۇرادى. جىل باسىنان بەرى 27 رەت جارمەڭكە ءوتتى. بوس ورىندار جارمەڭكەلەرىنە 50 دەن استام جۇمىس بەرۋشى قاتىسادى. ەكى ساعات ىشىندە جۇمىسسىز بىرنەشە كومپانيانى ارالاپ، سۇحباتتاسا الادى. كەزەكتى جارمەڭكە ەلوردادا 24- تامىزدا ساعات 14.30 دان 17.00 گە دەيىن «جاستار سارايىندا» رەسپۋبليكا داڭعىلى، 34 مەكەنجايىندا وتەدى»، - دەيدى ول.

بۇعان دەيىن استانالىق جاستارعا 2,5 پايىزبەن 5 ميلليونعا دەيىن نەسيە بەرىلەتىنى تۋرالى حابارلاعان ەدىك.

سوڭعى جاڭالىقتار