14:32, 31 - قاڭتار 2015 | GMT +6
ەلوردادا «قازاق حاندىعىنىڭ 550 جىلدىق مەرەيتويىنا 550 مەتر» دەگەن اتاۋمەن جارىس ءوتتى
استانا. قازاقپارات - بۇگىن ەلوردادا «قازاق حاندىعىنىڭ 550 جىلدىق مەرەيتويىنا 550 مەتر» دەگەن اتاۋمەن مارافون- فلەشموب ءوتتى. مارافون فلەش- موبتىڭ اشىلۋ راسىمىنە قاتىسقان استانا قالاسى اكىمىنىڭ ورىنباسارى ەرمەك امانشايەۆ بارشا قازاقستاندىقتاردى الداعى ۇلى مەرەكەمەن قۇتتىقتادى.
«بيىل قازاق حاندىعىنىڭ 550 جىلدىعىن اتاپ وتكەلى وتىرمىز. ال بۇگىن ەلوردامىزدا ەلباسىمىزدىڭ باستاماسىمەن اتالىپ وتىلەتىن ەلىمىز ءۇشىن ۇلكەن شارانىڭ تۇساۋكەسەرى وتۋدە دەسەك تە بولادى»، - دەدى ە. امانشايەۆ.
ايتا كەتەرلىگى، استانا اكىمدىگىنىڭ قازاقستاننىڭ اۋەسقوي ترياتلون فەدەراتسياسىمەن بىرلەسىپ ۇيىمداستىرعان شاراعا ەلىمىزگە بەلگىلى سپورتشىلار، قوعام قايراتكەرلەرى، ستۋدەنتتەر مەن قالا تۇرعىندارى، جالپى 550 ادام قاتىستى.
