قازاق دالاسىندا اقبوكەننىڭ سانى 55 پايىزعا ءوسىپ، 334 مىڭعا جەتتى
«جانۋارلار دۇنيەسى سالاسىندا جىل سايىن سيرەك كەزدەسەتىن تۇياقتى جانۋارلار مەن اقبوكەن سانى ارتىپ كەلەدى. اقبوكەننىڭ پوپۋلياتسياسى 334 مىڭعا جەتىپ، ءوسىم 55 پايىزدى قۇرادى. ءبىز وسى ديناميكانى ساقتاۋ ءۇشىن بار كۇش- جىگەرىمىزدى سالامىز»، - دەدى ماعزۇم مىرزاعاليەۆ و ك ق وتكەن حالىققا ەسەپ بەرۋ كەزدەسۋىندە. الايدا مينيستر براكونەرلىكتىڭ ەڭسەرىلمەي كەلە جاتقانىن مويىندادى.
«مەملەكەت باسشىسى براكونەرلىكپەن كۇرەس ماسەلەسىنە ەرەكشە ءمان بەرۋدە. مينيسترلىك ىشكى ىستەر مينيسترلىگى، باس پروكۋراتۋرامەن بىرلەسىپ 2019 -جىلى براكونەرلىك ءۇشىن جاۋاپكەرشىلىكتى كۇشەيتۋ بويىنشا قولدانىستاعى قىلمىستىق زاڭناماعا تۇزەتۋلەر ەنگىزدى. قىلمىستىق كودەكسكە تابيعاتتى قورعاۋ ينسپەكتورلارى مەن قورىقشىلاردىڭ ءومىرى مەن دەنساۋلىعىنا قول سۇعۋشىلىق ءۇشىن قاتاڭ جازا قاراستىراتىن جەكە باپ ەنگىزدىك. ينسپەكتورلاردىڭ اۋىر ەڭبەگىن سەزىنە وتىرىپ، پرەزيدەنتتىڭ تاپسىرماسىنا سايكەس ينسپەكتور مارتەبەسىن كوتەرۋدى كوزدەپ وتىرمىز»، - دەدى ول.
ماعزۇم مىرزاعاليەۆ وسىلايشا، براكونەرلىكپەن كۇرەسۋ ءۇشىن قازىرگى زامانعى قۇرالدارمەن ينسپەكسيالارىمىزدى قامتاماسىز ەتەتىن جاڭا نورماتيۆتەر (ارنايى تەحنيكا، ءتوس كامەرالارى، برونەجەلەتتەر) ازىرلەنگەنىن جەتكىزدى.
اۆتور: ايان بەكەن ۇلى
