11:58, 15 - ماۋسىم 2020 | GMT +5
ماسكەۋدە ءبىر تاۋلىكتە كوروناۆيرۋستان 53 ادام كوز جۇمدى
ماسكەۋ. قازاقپارات - رەسەي استاناسى ماسكەۋ قالاسىندا ءبىر تاۋلىكتە كوروناۆيرۋس ينفەكتسياسىن جۇقتىرعان تاعى 53 ادام كوز جۇمدى.
وسىلايشا ىندەتتەن كوز جۇمعان ادامدار سانى 3334 كە جەتكەن.
بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.
«ماسكەۋدە پنيەۆمونيا دياگنوزى قويىلىپ، كوروناۆيرۋس ينفەكتسياسىنا الىنعان تەست قورىتىندىلارى وڭ بولىپ شىققان 53 پاتسيەنت كوز جۇمدى»، - دەلىنگەن حابارلامادا.
رەسەي استاناسىندا كوروناۆيرۋستەن جالپى 3334 ادام كوز جۇمعان.
پاندەميا باستالعالى، الەمدە كوروناۆيرۋس ىندەتىنە 7,7 ميلليوننان استام ادام شالدىعىپ، 430 مىڭعا جۋىق ناۋقاس قايتىس بولدى. رەسەيدە ىندەت جۇقتىرۋدىڭ 528964 وقيعاسى تىركەلىپ، 280050 ادام جازىلىپ، 6948 ادام قايتىس بولدى.
