قازاقستان باسەكەگە قابىلەتتىلىك رەيتينگى بويىنشا 53- ورىنعا يە بولدى
زەرتتەۋ ناتيجەسىگە سايكەس، الەمنىڭ 138 مەملەكەتىنىڭ ىشىنەن قازاقستان 53- ورىنعا يە بولدى.
ەسكە سالا كەتسەك، 2015 -جىلى قازاقستان 140 ەلدىڭ ىشىندە 42- ورىندا ەدى.
2016 -جىلعى زەرتتەۋ ناتيجەسىگە سايكەس، باسەكەگە قابىلەتتىلىك رەيتينگى بويىنشا الەمنىڭ 138 مەملەكەتىنىڭ ىشىنەن جالپى ورتاشا 4,41 بالل جيناي وتىرىپ (2015 -جىلى 4,49 بالل)، قازاقستان 53- ورىنعا يە بولدى. رەيتينگ بويىنشا قازاقستاننىڭ وسى جىلعى كورشىلەرى - رۋاندا (52- ورىن) جانە كوستا- ريكا (54- ورىن) مەملەكەتتەرى.
ت م د ەلدەرىنىڭ ىشىنەن قازاقستان ءازىربايجان (37) مەن رەسەيدەن (43- ورىن) كەيىنگى ءۇشىنشى ورىندا. سونداي- اق گرۋزيا - 59- ورىن، تاجىكستان - 77- ورىن، ارمەنيا - 79- ورىن، ۋكراينا - 85- ورىن، مولدوۆا - 100- ورىن، قىرعىز رەسپۋبليكاسى- 111- ورىن.
العاشقى ءۇش ورىنعا شۆەيساريا، سينگاپۋر جانە ا ق ش يە بولدى. رەيتينگ سوڭىندا يەمەن (138)، ماۆريتانيا (137) جانە چاد (136) ورنىقتى.
ساراپتاي كەلە ماماندار، «دامۋدىڭ بارلىق دەڭگەيىندەگى ەكونوميكا اشىقتىعىنىڭ 10 جىلدا تومەندەۋى ەلدەردىڭ ءوسۋى مەن يننوۆاتسيالاردى ەنگىزۋ مۇمكىندىگىنە قاۋىپ توندىرەتىندىگىن» ايتىپ وتىر. جاھاندىق باسەكەگە قابىلەتتىلىك يندەكسى 113 كورسەتكىش ارقىلى تۇزىلەدى.
144 كورسەتكىشتەن ەكونوميكالىق دامۋدىڭ ءتۇرلى دەڭگەيلەرىندە ورنالاساتىن الەم ەلدەرىنىڭ باسەكەگە قابىلەتتىلىگىن سيپاتتايتىن 12 باسەكەگە قابىلەتتىلىك فاكتورىن شىعارىلادى. ولاردىڭ ىشىندە ينستيتۋتتار، ينفراقۇرىلىم، ماكروەكونوميكالىق ورتا، دەنساۋلىق ساقتاۋ، ءبىلىم بەرۋ جانە كاسىبي دايىندىق، تاۋار نارىعىنىڭ تيىمدىلىگى مەن ەڭبەك نارىعى، قارجى نارىعىنىڭ دامۋى، يننوۆاتسيالار.
