جاڭا وقۋ جىلىندا 52 مەكتەپ جاڭادان ىسكە قوسىلدى

استانا. قازاقپارات - جاڭا وقۋ جىلى باستالار تۇستا 12 اپاتتىق مەكتەپتىڭ، 29 ءۇش اۋىسىممەن وقيتىن ءبىلىم وشاعىنىڭ ماسەلەسى ءبىرجولا شەشىمىن تاپتى، دەپ حابارلايدى قازاقپارات ءتىلشىسى.

وقۋ-اعارتۋ مينيسترلىگىنىڭ دەرەگى بويىنشا، بيىل 260 مەكتەپتە كۇردەلى جوندەۋ جۇمىستارى ءجۇرىپ جاتىر. 1-قىركۇيەككە دەيىن سونىڭ 194 نىسانىندا كۇردەلى جوندەۋ اياقتالۋعا ءتيىس.

سونداي-اق 1-قىركۇيەككە دەيىن 65,6 مىڭ ورىنعا ارنالعان 52 مەكتەپ ىسكە قوسىلادى دەپ جوسپارلانعان. ال 2023 -جىلدىڭ سوڭىنا دەيىن 66,4 مىڭ ورىنعا ارنالعان 102 مەكتەپ ىسكە قوسىلۋى كەرەك. وسىلايشا 12 اپاتتىق جانە ءۇش اۋىسىممەن ءبىلىم بەرەتىن 29 مەكتەپتىڭ ماسەلەسى شەشىلەدى.

22-تامىزداعى جاعداي بويىنشا، مەكتەپتەردى ىشكى ىستەر ورگاندارىنىڭ جەدەل باسقارۋ ورتالىقتارىنا قوسۋ كورسەتكىشى رەسپۋبليكا بويىنشا %98 عا جەتكەن.

ليتسەنزيالانعان كۇزەت اگەنتتىكتەرىمەن كەلىسىمشارت ورناتقان مەكتەپتەردىڭ ۇلەسى دە %98 بولىپ وتىر. مەكتەپتەردى «دابىل تۇيمەلەرىمەن» قامتاماسىز ەتۋ دەڭگەيى دە %98 عا جەتكەن.