13:05, 24 - قاڭتار 2018 | GMT +5
اقتوبەدەگى ورتتەن قازا بولعان 52 وزبەك ازاماتى جەر قوينىنا تاپسىرىلدى - فوتو
استانا. قازاقپارات - وزبەكستاندا اقتوبە وبلىسىنداعى اۆتوبۋس ورتىنەن قازا بولعان ازاماتتار جەرلەندى.
بۇل تۋرالى «ازاتتىق» حابارلايدى.
بۇدان بۇرىن وزبەكستاننىڭ توتەنشە جاعدايلار بويىنشا مينيسترلىك وكىلى قازا بولعانداردىڭ اتى-جوندەرى تولىق انىقتالعانىن ايتقان. مينيسترلىك سايتىندا مارقۇمداردىڭ ءتىزىمى جاريالانعان.
ەسكە سالا كەتەيىك، قاڭتاردىڭ 18 ءى كۇنى قازاقستان ارقىلى رەسەيگە وزبەكستاننان ەڭبەك ميگرانتتارىن اپارا جاتقان اۆتوبۋس ورتەنىپ كەتىپ، 52 جولاۋشى قازا بولعان ەدى.
شىمكەنت-سامارا تراسساسىندا اقتوبە قالاسىنان 320 شاقىرىم جەردە بولعان وقيعادان بەس ادام امان قالعان.
قازىر نامانعان جۇرتى اۆتوبۋستاعى ءورت قۇرباندارىن ازا تۇتىپ جاتىر.
