اقتوبەدە اۆتوبۋس ورتەنىپ، 52 ادام مەرت بولدى
اقتوبەدە وزبەكستان ازاماتتارى مىنگەن اۆتوبۋس ورتەندى.
«الدىن الا مالىمەت بويىنشا، بۇگىن استانا ۋاقىتىمەن ساعات 10:30 دا ىرعىز اۋدانىنىڭ قالىباي اۋىلىنا جاقىن ماڭدا اۆتوبۋستان ءورت شىقتى. «يكارۋس» ماركالى اۆتوبۋس ىشىنەن شىققان ءورت سالدارىنان 52 جولاۋشى كوز جۇمدى. 5 جولاۋشى ورتتەن شىعىپ ۇلگەرگەن. امان قالعان 5 ادامنىڭ ەكەۋى وزبەكستان ازاماتى، ۇشەۋى قازاقستان ازاماتى. وقيعا ورنىنا ءورت سوندىرۋگە ارنالعان 2 تەحنيكا مەن 8 ادام جىبەرىلدى. بۇل جەر وبلىس ورتالىعىنان 320 شاقىرىم قاشىقتىقتا ورنالاسقان»، - دەپ حابارلايدى اقتوبە وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى.
اقتوبە وبلىستىق ت د ج مەن وبلىس اكىمىنىڭ ورىنباسارى جەدەل شتاب قۇردى. جەدەل جەلى ىسكە قوسىلدى. وقيعا ورنىندا پوليتسيا، قۇتقارۋشىلار مەن پسيحولوگتار، دارىگەرلەر جۇمىس ىستەپ جاتىر.
اۆتور: التىناي ساعىندىقوۆا
