قوستاناي وبلىسىندا «بيزنەستىڭ جول كارتاسى» مەملەكەتتىك باعدارلاماسى اياسىندا 52 جوبا ماقۇلداندى

قوستاناي. قازاقپارات - «دامۋ» كاسىپكەرلىكتى قولداۋ قورىنىڭ قوستانايلىق فيليالىنىڭ اقپاراتىنشا، ءبىرىنشى جارتىجىلدىقتا «بيزنەستىڭ جول كارتاسى-2020» باعدارلاماسى اياسىندا جالپى قۇنى 52,5 ميلليارد تەڭگەنى قۇرايتىن 52 جوبا قور تاراپىنان قولداۋعا يە بولعان.

بۇل تۋرالى قور مەنەدجەرى اسەل كازاكوۆا ءمالىم ەتتى.

«سۋبسيديالاۋ بويىنشا ايماقتىق ۇيلەستىرۋ كەڭەسى 5 ميلليارد 454 ميلليون 500 مىڭ تەڭگەنىڭ 52 جوباسىن ماقۇلدادى. 2 ميلليارد 840 ميلليون 900 مىڭ تەڭگەنىڭ 66 سۋبسيديالاۋ كەلىسىمشارتىنا قول قويىلدى. كەپىلدەندىرىلگەن 194,9 ميلليون تەڭگەنىڭ 27 جوباسى قولداۋعا يە بولدى، 201,8 ميلليون تەڭگەگە كەپىلدىك شارتىنا قول قويىلدى»، - دەدى ءا. كازاكوۆا.

«دامۋ» قورىنىڭ ءوز باعدارلامالارىن جۇزەگە اسىرۋ اياسىندا «دامۋ- كومەك» باعدارلاماسى بويىنشا 1- جارتى جىلدىقتا مۇمكىندىگى شەكتەۋلى 6 كاسىپكەرگە دەمەۋشىلىك قولداۋ كورسەتىلدى.