شىلدە ايىندا ەلوردادا 520 ۇيىم مەن كاسىپورىن تىركەلدى

استانا. قازاقپارات - استانا قالالىق ستاتيستيكا دەپارتامەنتىنىڭ حابارلاۋىنشا، اعىمداعى جىلدىڭ شىلدە ايىندا 520 كاسىپورىن مەن ۇيىم تىركەلگەن.

جاڭادان تىركەلگەن سۋبەكتىلەردىڭ نەگىزگى بولىگى «الماتى» (%52,3) جانە «سارى ارقا» (%27,1) اۋداندارىندا شوعىرلانعان. «ەسىل» اۋدانىنىڭ ۇلەسى %20,6 قۇراپ وتىر.

جاڭا زاڭدى تۇلعالاردىڭ 495 ءى جاۋاپكەرشىلىگى شەكتەۋلى سەرىكتەستىك رەتىندە تىركەلگەن (ارى قاراي- ج ش س). بۇدان بولەك، تىركەلگەن كاسىپورىندار مەن ۇيىمداردىڭ 15 ءى قوعامدىق بىرلەستىكتەر مەن قورلار، 4 ءى مەملەكەتتىك كاسىپورىندار، 2 ەۋى زاڭدى تۇلعالار بىرلەستىگى بولسا، 2 ەۋى مەكەمە، 2 ەۋى تۇتىنۋشى كووپەراتيۆى بولىپ تابىلادى.

ستاتيستيكا بويىنشا، تىركەلگەن زاڭدى تۇلعالار جەتەكشىلەرىنىڭ اراسىنداعى ەرلەر سانى 370, ايەلدەر 150 ءدى قۇراپ وتىر. وسى ۋاقىت ارالىعىندا جابىلعان كاسىپورىندار اراسىندا ەرلەر 434, ايەلدەر 100 بولعان، دەپ حابارلايدى astana.kz.