بازالىق زەينەتاقى ورتا ەسەپپەن 51 پايىزعا وسەدى
«وزدەرىڭىز بىلەتىندەي، جاڭا الەۋمەتتىك كودەكستى پارلامەنت قابىلداپ، مەملەكەت باسشىسى قول قويدى. ول 1-شىلدەدەن باستاپ كۇشىنە ەنەدى. جاڭا كودەكستە ۇسىنىلىپ وتىرعان شارالار الەۋمەتتىك قورعاۋ جۇيەسىن قايتا رەتكە كەلتىرۋگە مۇمكىندىك بەرەدى. جالپى، كودەكس حالىقارالىق ستاندارتتارعا سايكەستىكتى قامتاماسىز ەتۋگە باعىتتالعان. وسىلايشا، الەۋمەتتىك قورعاۋ جانە زەينەتاقىمەن قامتاماسىز ەتۋ سالاسى بويىنشا بارلىق زاڭناما ءبىر جۇيەگە كەلتىرىلدى»، - دەدى ۇكىمەت باسشىسى.
ونىڭ اتاپ وتۋىنشە، الەۋمەتتىك كودەكستە كۇشى جويىلعان 10 زاڭنىڭ نەگىزگى نورمالارى ساقتالدى.
سونىمەن قاتار ءبىرقاتار جاڭا ەرەجەلەر قاراستىرىلعان. ولاردىڭ بارلىعى حالىقتىڭ ءومىر ءسۇرۋ ساپاسىن ارتتىرۋعا باعىتتالعان.
«كودەكستىڭ ماڭىزدى جاڭالىعىنىڭ ءبىرى زەينەتاقىنى كەزەڭ- كەزەڭمەن ارتتىرۋ بولىپ تابىلادى. بيىلعى 1 -قاڭتاردان باستاپ 2027 -جىلعا دەيىن بازالىق زەينەتاقى مولشەرى ورتا ەسەپپەن 51 پايىزعا وسەتىن بولادى. ياعني، 2 ميلليوننان استام زەينەتكەر وسى قولداۋ شارالارىمەن قامتىلادى. جالپى، قابىلدانىپ جاتقان شارالار 2025 -جىلعا قاراي جيىنتىق زەينەتاقىنى ورتا ەسەپپەن 27 پايىزعا ارتتىرۋعا مۇمكىندىك بەرەدى. سونداي- اق ازاماتتار وزدەرىنىڭ زەينەتاقى اكتيۆىنىڭ 50 پايىزىن سەنىمگەرلىك باسقارۋعا بەرۋگە قۇقىلى بولادى. جيناقتىڭ قالعان بولىگى ءبىرىڭعاي جيناقتاۋشى زەينەتاقى قورىندا قالادى. 1- شىلدەدەن باستاپ مەملەكەتتىك الەۋمەتتىك جاردەماقى تاعى 14,5 پايىزعا ۇلعايادى. جالپى ءوسىم - 23 پايىز»، - دەدى ءاليحان سمايىلوۆ.
