شوتلانديا تاۋەلسىزدىگىن جاقتايتىنداردىڭ سانى 51 پايىزعا جەتتى

استانا. قازاقپارات - سوڭعى الەۋمەتتىك ساۋالناما شوتلانديا تاۋەلسىزدىگىن جاقتايتىنداردىڭ سانى العاش رەت قارسىلاستارىنان باسىم تۇسكەنىن كورسەتتى، دەپ حابارلادى www.24.kz.

شوتلانديا تۇرعىندارىنىڭ 51 پايىزى ۇلى بريتانيادان ءبولىنۋ ءۇشىن داۋىس بەرۋگە دايىن ەكەنىن بىلدىرگەن. ال بۇدان ءبىر اي بۇرىن عانا بولىنبەي، ءبىر مەملەكەتتە قالۋدى قالايتىندار قاتارى 22 پايىزعا ارتىق بولاتىن. ساراپشىلاردىڭ پىكىرىنشە، تاۋەلسىزدىك جاقتاستارى جاستاردىڭ ارقاسىندا كوبەيگەن.

ويتكەنى دەربەستىككە يە بولسا، كونستيتۋتسيادا تەگىن جوعارى ءبىلىم الۋ قۇقىعىن بەكىتۋ ۋادە ەتىلگەن. شوتلانديانىڭ تاۋەلسىزدىگى جونىندەگى رەفەرەندۋم 18- قىركۇيەكتە ءوتۋى ءتيىس. ەگەر حالىقتىڭ كوپشىلىگى ۇلى بريتانيا قۇرامىنان شىعۋعا داۋىس بەرسە، شوتلانديا 300  جىلعا ۇلاسقان انگليامەن وداقتاستىق اياسىنان شىعىپ، تاۋەلسىز مەملەكەتكە اينالۋى مۇمكىن.