الماتىدا 513 سايلاۋ ۋچاسكەسىنە 600 بايقاۋشى دايىندالدى - ق. شايح
بۇل تۋرالى قازاقپارات تىلشىسىنە «ق ر بەيبىتشىلىك قورى» قوعامدىق قورىنىڭ ءتوراعاسى، سايلاۋدى باقىلاۋ جونىندەگى رەسپۋبليكالىق قوعامدىق كوميسسيانىڭ مۇشەسى قازبەك شايح مالىمدەدى.
«سايلاۋدى باقىلاۋ جونىندەگى رەسپۋبليكالىق قوعامدىق كوميسسيا بايقاۋشىلار شتابىن دايىنداپ، ولاردى جان- جاقتى ۇيرەتتى. الماتى بويىنشا 600 بايقاۋشى دايىندالدى. ولار 513 سايلاۋ ۋچاسكەسىندە جۇمىس ىستەيتىن بولادى. ال رەسپۋبليكا بويىنشا 9 مىڭعا جۋىق بايقاۋشى دايىندالدى. بۇل جەردە ولارعا قويىلاتىن تالاپ وتە جوعارى. باقىلاۋشىلار سايلاۋعا باقىلاۋ جۇرگىزۋ ادىستەرىن جەتىك مەڭگەرۋلەرى ءتيىس. ياعني، وسى سالانىڭ جوعارى بىلىكتى مامانى بولۋلارى كەرەك. جانە ەڭ باستىسى، ءبىز سايلاۋدىڭ ق ر زاڭنامالارىنا سايكەس ءادىل، اشىق وتكەنىن تىلەيمىز» - دەدى ساراپشى.
سونىمەن قاتار، قازبەك شايح بيىلعى سايلاۋالدى ناۋقانىنىڭ وتكەن سايلاۋ ناۋقاندارىنا قاراعاندا ءبىرقالىپتى، تىنىش وتكەنىن ايتتى.
