استانادا جىل سايىن 50 مىڭعا دەيىن جۇمىس ورنى اشىلادى

استانا. قازاقپارات - ەلوردادا جىل سايىن جاڭا جۇمىس ورىندارى اشىلىپ جاتىر. جۇمىسسىزدىق كورسەتكىشى تومەندەپ كەلەدى.

بۇل مالىمەتتى استانا قالاسى اكىمدىگىنىڭ «ەڭبەك موبيلدىلىگى ورتالىعى» مەكەمەسىنىڭ ديرەكتورى ولجاس ومار ايتتى، دەپ حابارلايدى قازاقپارات ءتىلشىسى.

«بۇگىندە استانادا جۇمىسسىزدىق دەڭگەيى %4,5 دەڭگەيىندە. جالپى جۇمىسسىزدىق كورسەتكىشى تۇراقتى جانە ول جىل ساناپ تومەندەپ كەلەدى. ءبىز قابىلداعان شارالار جۇمىسسىزدىق دەڭگەيىن تۇراقتىلىعىن ۇستاپ تۇرۋعا ىقپال ەتىپ جاتىر. ايتا كەتسەك، استانادا جىل سايىن 40 مىڭنان 50 مىڭعا دەيىن جاڭا جۇمىس ورنى اشىلادى. يندۋستريالدى پاركتە قانشاما جاڭا جۇمىس ورىندارى اشىلۋدا. مۇنىڭ ءبارى جۇمىسسىزدىق كورسەتكىشتەرىن ساقتاۋعا جانە ونى تومەندەتۋگە ىقپال ەتەدى. بىزگە كۇن سايىن جۇمىس بەرۋشىلەردەن جۇزدەگەن ءوتىنىش كەلىپ تۇسەدى، ولار تۇراقتى جۇمىس ۇسىنادى»، - دەدى ولجاس ومار قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

بۇعان دەيىن حابارلاعانىمىزداي ەلوردادا 5500 دەن استام بوس جۇمىس ورنى بار.

ايتا كەتەيىك، استانادا كەزەكتى بوس جۇمىس ورىندارى جارمەڭكەسى 24- تامىزدا ساعات 14.30 دان 17.00 گە دەيىن «جاستار سارايىندا» رەسپۋبليكا داڭعىلى، 34 مەكەنجايىندا وتەدى.