تەحنيكالىق جانە كاسىپتىك ءبىلىم بەرۋ: مەملەكەتتىك تاپسىرىس 50 مىڭ ورىنعا ارتتى

استانا. قازاقپارات - بيىل تەحنيكالىق جانە كاسىپتىك ءبىلىم بەرۋ ءۇشىن رەسپۋبليكالىق بيۋجەتتەن مەملەكەتتىك تاپسىرىس 50 مىڭ ورىنعا ۇلعايتىلدى.
None

بۇل جايىندا ءماجىلىس دەپۋتاتتارىنىڭ ساۋالىنا پرەمەر-ءمينيستردىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«مەملەكەت باسشىسىنىڭ تاپسىرماسىن ىسكە اسىرۋ اياسىندا «ءبىلىمدى ۇلت» ساپالى ءبىلىم بەرۋ» ۇلتتىق جوباسىندا 2025-جىلعا قاراي سۇرانىسقا يە ماماندىقتار بويىنشا جاستاردى تەگىن تەحنيكالىق جانە كاسىپتىك بىلىممەن 100 پايىز (2022 ج. - %70، 2023 ج. - %80، 2024 ج. - %90، 2025 ج. - %100) قامتۋ كوزدەلگەن.

2023-جىلى تەحنيكالىق جانە كاسىپتىك ءبىلىم بەرۋ ءۇشىن رەسپۋبليكالىق بيۋجەتتەن مەملەكەتتىك تاپسىرىس 50 مىڭ ورىنعا ۇلعايتىلدى. قازىرگى كەزدە مەملەكەتتىك تاپسىرىستىڭ جالپى كولەمى - 130 مىڭ ورىن. سونداي-اق 2022-2023 وقۋ جىلىندا الەۋمەتتىك وسال توپتاعى وتباسىلاردان شىققان 75 مىڭ تالاپكەر تەگىن بىلىممەن قامتىلدى»، - دەلىنگەن تامارا دۇيسەنوۆانىڭ جاۋابىندا.

سوڭعى جاڭالىقتار