قازاقستان حالقى تابىسىنىڭ 50 پايىزىن تاماققا جۇمسايتىن ەلدەر قاتارىنا كىردى

استانا. قازاقپارات – ستاتيستيكالىق مالىمەتتەرگە سايكەس، قازاقستاندا 2015-2022 -جىلدار ارالىعىندا حالىقتىڭ تاماق ونىمدەرىنە جۇمسايتىن تۇتىنۋ شىعىندارىنىڭ ۇلەسى 43,8 پايىزدان 51,2 پايىزعا وسكەن.

ال اقىلى قىزمەتتەر ۇلەسى 23,8 پايىزدان 18,4 پايىزعا ازايعان، - دەپ حابارلايدى «اتامەكەن» ساراپتامالىق قىزمەتى.

ا ق ش اشم ەكونوميكالىق زەرتتەۋلەر قىزمەتىنىڭ 2021 -جىلعى دەرەكتەرى بويىنشا، «ۇيدە تۇتىنىلاتىن الكوگولسىز سۋسىنداردى قوسا العاندا، ازىق-تۇلىككە جۇمسالاتىن تۇتىنۋ شىعىستارىنىڭ ۇلەسى» كورسەتكىشى بويىنشا قازاقستان زەرتتەۋگە ەنگىزىلگەن 104 ەلدىڭ ىشىندە 98-ورىندا.

بۇل كورسەتكىش بويىنشا كوشباسشىلار: ا ق ش (6,7 پايىز)، سينگاپۋر (8,4) جانە ۇلى بريتانيا (8,7). انتيليدەرلەر: كەنيا (56,1)، ميانما (56,5) جانە نيگەريا (59,0).

ساراپشىلار ەنگەل زاڭىنا سايكەس، حالىقتىڭ تابىسى وسكەن سايىن ازىق-تۇلىك شىعىندارىنىڭ ۇلەسى ازايىپ، قىزمەت كورسەتۋ شىعىندارىنىڭ ۇلەسى ايتارلىقتاي وسەتىنىن اتاپ ءوتتى.