وتاندىق فارماتسيەۆتيكالىق ءوندىرىستىڭ ۇلەسى 50 پايىزعا دەيىن ارتادى - ۇكىمەت
ۇكىمەت باسشىسى بۇگىندە ەلىمىزدە دەنساۋلىق ساقتاۋ سالاسىن دامىتۋ بويىنشا ءبىرقاتار ءىرى باعدارلامالىق قۇجاتتار جۇزەگە اسىرىلىپ جاتقانىن اتاپ ءوتتى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.
«دەنى ساۋ ۇلت» جانە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوبالارى اياسىندا 32 اۋداندىق اۋرۋحانانى قايتا جابدىقتاۋ جانە 655 جاڭا مەديتسينالىق- سانيتارلىق العاشقى كومەك نىسانىن سالۋ جوسپارلانعان.
2025 -جىلعا قاراي وتاندىق فارماتسيەۆتيكالىق ءوندىرىستىڭ، ونىڭ ىشىندە جوعارى سۇرانىسقا يە مەديتسينالىق تەحنيكالار ءوندىرىسىنىڭ ۇلەسىن % 50- عا دەيىن ارتتىرۋ جوسپارلانۋدا.
«GE Healthcareكومپانياسىنىڭ الەمدەگى جەتەكشى مەديتسينالىق جابدىقتار وندىرۋشىلەرىنىڭ ءبىرى رەتىندەگى جوعارى بەدەلىن ەسكەرە وتىرىپ، ءبىز جاڭا جوبالاردى جۇزەگە اسىرۋدى قولدايمىز جانە سەرىكتەستىكتى تەرەڭدەتۋگە مۇددەلىمىز»، - دەدى پرەمەر- مينيستر.
ءوز كەزەگىندە ەلەنا لەگەزينا رەسپۋبليكادا كومپانيا قىزمەتىن دامىتۋ ءۇشىن ۇلكەن الەۋەت بارىن اتاپ ءوتتى. بۇل رەتتە قازاقستاندا ۋدز اپپاراتتارى مەن كومپيۋتەرلىك توموگرافتار ءوندىرىسىن لوكاتسيالاۋ جوباسى پىسىقتالۋدا.
«ءبىز قازاقستانعا تەك جوعارى تەحنولوگيالىق جابدىقتاردى عانا ەمەس، سونىمەن قاتار ونكولوگيالىق جانە جۇرەك- قان تامىرلارى اۋرۋلارىن ەمدەۋ تاسىلدەرى مەن تۇجىرىمدامالارىن ۇسىنا الامىز. سونىمەن قاتار استانا مەن الماتى قالالارىنان ەكى اكادەميا اشۋدى جوسپارلاپ وتىرمىز، مۇندا قازاقستاندىق ماماندار قۇرال- جابدىقتارمەن جۇمىس ىستەۋدى ۇيرەنىپ قانا قويماي، ەمدەۋدىڭ جاڭا ادىستەرىن دە مەڭگەرە الادى»، - دەدى ەلەنا لەگەزينا.
سونىمەن قاتار GE Healthcare كومپانياسى رەسپۋبليكانىڭ دەنساۋلىق ساقتاۋ سالاسىن سيفرلاندىرۋعا جاردەمدەسۋدى جانە مەديتسينالىق تەحنيكا سەرۆيسىن دامىتۋدى جوسپارلاپ وتىرعانى اتاپ ءوتىلدى.
كەزدەسۋ قورىتىندىسى بويىنشا تاراپتار ورتا مەرزىمدى كەزەڭگە ارنالعان ءوزارا ءىس- قيمىل جوسپارلارىن ناقتىلاۋعا جانە بەكىتۋگە مۇمكىندىك بەرەتىن ىنتىماقتاستىق تۋرالى نەگىزدەمەلىك كەلىسىمدى پىسىقتاۋعا كەلىستى.
