قازاقتىڭ سارى ماي ءوندىرىسى تومەندەپ، شەتەلدەن اكەلىنەتىن ماي 50 پايىز ارتقان

استانا. قازاقپارات - قازاقستاندا سارى ماي ءوندىرۋ كولەمى 2022 -جىلدىڭ قاڭتار- جەلتوقسانىندا 2021 -جىلدىڭ ءتيىستى كەزەڭىمەن سالىستىرعاندا 8,3 پايىز تومەندەدى.

وسىلايشا، وسى ۋاقىت ىشىندە قازاقستاندىق كاسىپورىندار 24,8 مىڭ توننا ءونىم شىعاردى، ال 2021 -جىلى 27,1 مىڭ توننا سارى ماي وندىرىلگەن ەدى، دەپ حابارلايدى قازاقپارات.

ۇلتتىق ستاتبيۋرو مالىمەتىنشە، ەكسپورت تا 16,7 پايىزعا تومەندەگەن.

وتكەن جىلدىڭ 12 ايىندا شەتەلگە 3,8 مىڭ توننا ماي جىبەرىلدى، ال 2021 -جىلى 4,5 مىڭ توننا ەكسپورتقا شىعارىلدى.

ءوز كەزەگىندە يمپورت 49,2 پايىزعا وسكەن، 2022 -جىلى 7,8 مىڭ توننادان استام ءونىم يمپورتتالدى. سىرتتان اكەلىنەتىن ءونىمنىڭ ۇلەس سالماعى 23,9 پايىز قۇرادى.

2022 -جىلدىڭ 12 ايىنىڭ قورىتىندىسى بويىنشا ىشكى نارىقتا 28,8 مىڭ توننا سارى ماي ساتىلدى.