شەكتەۋ الىنعاننان كەيىن قىتايعا كەلۋشىلەر سانى 50 پايىز ارتتى

None
بەيجىڭ. قازاقپارات - 2023 -جىلدىڭ 8-قاڭتارىندا ەلگە كىرەتىن جولاۋشىلار ءۇشىن جاڭارتىلعان حاتتاما كۇشىنە ەنگەننەن كەيىن ماتەريكتىك قىتايعا كەلۋشىلەردىڭ ورتاشا تاۋلىكتىك سانى 54,7 پايىزعا ءوسىپ، 250 مىڭ ادامدى قۇرادى.

بۇل تۋرالى بريفينگ بارىسىندا ق ح ر كوشى- قون ىستەرى جونىندەگى مەملەكەتتىك باسقارماسى شەكارالىق باقىلاۋ جانە باسقارما ءبولىمىنىڭ باستىعى ليۋ حايتاو مالىمدەدى، دەپ حابارلايدى قازاقپارات مەنشىكتى ءتىلشىسى.

ونىڭ ايتۋىنشا، 2023 -جىلدىڭ 8-12-قاڭتارىندا ق ح ر كوشى-قون قىزمەتى كۇن سايىن ەلگە كىرەتىن جانە شىعاتىن ادامداردىڭ 490 مىڭ قۇجاتىن راسىمدەپ جاتىر.

بۇل قىتايداعى COVID-19 شەكتەۋى تۋرالى مالىمدەمەگە دەيىنگى كورسەتكىشتەن 48,9 پايىزعا كوپ.

«قىتايعا كەلۋشىلەردىڭ ورتاشا تاۋلىكتىك سانى 54,7 پايىز وسىممەن 250 مىڭ ادامدى، ال ەلدەن كەتىپ جاتقانداردىڭ ورتاشا تاۋلىكتىك سانى 43,3 پايىز وسىممەن 240 مىڭ ادامدى قۇرايدى»، - دەپ اتاپ ءوتتى ول.

اۋە جولاۋشىلارىنىڭ ەڭ ۇلكەن اعىنى «پۋدۋن» حالىقارالىق اۋەجايىندا (شانحاي ق. , شىعىس قىتاي) ، كۇنىنە 11 مىڭعا جۋىق جولاۋشى بايقالدى.

ال قۇرلىقتاعى ادام اعىنى كوپ شەكارا وتكەلى - «فۋتيان» (شىنجىن قالاسى، گۋاندۋڭ پروۆينتسياسى، وڭتۇستىك قىتاي). ول گونكونگتىڭ «قاقپاسى» سانالادى.

ۆەدومستۆو مالىمەتىنشە، 2023 -جىلدىڭ 8-قاڭتارىنان باستاپ ماتەريكتىك قىتايدىڭ 1,35 ميلليوننان استام تۇرعىنى كوشى- قون ساياساتى تۇزەتىلگەنگە دەيىن 129,4 پايىز وسىممەن كىرۋ/شىعۋ قۇجاتتارىن الۋعا ءوتىنىم بەرگەن.

ق ح ر س ءى م كونسۋلدىق قىزمەتىنىڭ باسشىسى ۋ سي 2023 -جىلعى 8-قاڭتاردان باستاپ ترانسشەكارالىق ساپارلار بويىنشا جاڭا شارالار كۇشىنە ەنگەنىن، شەكارالىق شەكتەۋلەر السىرەگەنىن، حالىقارالىق رەيستەر سانىنا قويىلعان ليميت الىنىپ تاستالعانىن جانە قىتايعا كەلگەننەن كەيىن ورتالىقتاندىرىلعان كارانتين جويىلعانىن تاعى دا ەسكە سالدى.

2022 -جىلدىڭ جەلتوقسان ايىنىڭ سوڭىندا ق ح ر بيلىگى قىتايعا كەلۋشىلەر ءۇشىن ەرەجەلەر جەڭىلدەتۋدى، سونداي-اق COVID-19-عا قارسى كۇرەس اياسىندا ەنگىزىلگەن نەگىزگى شەكتەۋلەردى الىپ تاستاۋدى جاريالادى.

سوڭعى جاڭالىقتار