قازاقستان ج و و- لارىندا ءبىلىم الۋعا قىرعىزستاننىڭ 50 ازاماتىنا گرانت بولىنەدى
بۇل تۋرالى ەكى ەل ۇكىمەتىنىڭ ۋاعدالاستىعى نەگىزىندە ازىرلەنگەن كەلىسىم قۇجاتىندا ايتىلعان، دەپ حابارلايدى قازاقپارات ءتىلشىسى.
«قازاقستاننىڭ جوعارى وقۋ ورىندارىندا ءبىلىم الۋ ءۇشىن قىرعىزستان ازاماتتارىنا جىل سايىن 50 ورىنعا دەيىنگى كولەمدە گرانتتار ۇسىنىلادى. قىرعىز رەسپۋبليكاسىنىڭ 15 ازاماتىنا «اقپاراتتىق- كوممۋنيكاتسيالىق تەحنولوگيالار»، «ينجەنەر، وڭدەۋ جانە قۇرىلىس سالالارى»، «اۋىل شارۋاشىلىعى جانە بيورەسۋرستار» ماماندىقتارى بويىنشا ءبىلىم الۋعا ورىن بولىنەدى. سونىمەن قاتار 5 ادامعا مەديتسينالىق ماماندىقتار بويىنشا ورىن بولىنەدى.
«پەداگوگيكا عىلىمدارى»، «ونەر جانە گۋمانيتاريا عىلىمدارى»، «الەۋمەتتىك عىلىمدار، جۋرناليستيكا جانە اقپارات»، «بيزنەس، باسقارۋ جانە قۇقىق» ماماندىقتارىنا 10 ادام قابىلدانادى. ال قىرعىز رەسپۋبليكاسىنىڭ ازاماتتارى بولىپ تابىلاتىن ۇلتى قازاق ادامدارعا ەلىمىزدىڭ جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا 20 ورىن قاراستىرىلعان»، - دەپ كورسەتىلگەن قۇجاتتا.
كەلىسىم اياسىندا قازاقستاندىقتار دا قىرعىزستاننىڭ جوعارى وقۋ ورىندارىندا وقي الادى. اتاپ ايتقاندا، كورشىلەس ەل تەحنيكالىق ماماندىقتارعا – 4، مەديتسينا ماماندىقتارىنا – 3، گۋمانيتارلىق- ەكونوميكا ماماندىقتارىنا 3 ادامدى وقىتادى. قۇجاتقا سايكەس، قازاقستان مەن قىرعىزستان تاراپى جىل سايىن 30- ناۋرىزعا دەيىن ءبىلىم بەرۋ ۇيىمدارىنىڭ ءتىزىمىن ۇسىنۋى ءتيىس. ەكى ەل ۇكىمەتى اراسىنداعى قۇجات جوباسى 2022 -جىلعى 3- تامىزعا دەيىن قوعام تالقىلاۋىنا ۇسىنىلعان.
