پاراليمپيادا: جاپونيانىڭ 50 جاستاعى ۆەلوسيپەدشىسى التىن ەنشىلەدى

توكيو. kyodo- قازاقپارات - كەيكو سۋگيۋرا توكيودا ءوتىپ جاتقان پاراليمپيادا ويىندارىندا ايەلدەر اراسىنداعى C1-3 جارىسىندا جاپونيانىڭ ەڭ جاسى ۇلكەن التىن جۇلدەگەرى اتاندى، دەپ حابارلايدى قازاقپارات kyodo اگەنتتىگىنە سىلتەمە جاساپ.

سۋگيۋرانىڭ Fuji International Sppedway-دە ۋاقىتى 25 مينۋت 55,76 سەكۋندتى كورسەتىپ، 1996 -جىلى اتلانتا قالاسىنداعى پاراليمپيادا ويىندارىنداعى 46 جاستاعى تاكيو ۋشيكۋبونىڭ رەكوردىن جاڭارتتى. ول سونداي- اق پاراليمپيادا ويىندارىندا التىن جەڭىپ العان ءبىرىنشى ۆەلوسيپەدشى جانە جالپى ەسەپتە ءتورتىنشى سپورتشى بولدى.

شۆەتسيا سپورتشىسى اننا بەك( 26: 18.03) كۇمىس جۇلدەگەر اتانسا، اۆستريالىق پەيدج گرەكو (26: 37.54) قولا جۇلدەنى قانجىعاسىنا بايلاعان. سۋگيۋرا دەنەسىنىڭ وڭ جاعى سال اۋرۋىنا شالدىققان، سونداي- اق 45 جاسىندا ۆەلوجارىس كەزىندە قۇلاپ، ەستە ساقتاۋ قابىلەتى بۇزىلعان.

سيدزۋوكا پرەفەكتۋراسىنىڭ تۋماسى وڭالتۋ اياسىندا ۆەلوسيپەد ايداۋىن جالعاستىرىپ، 2017 -جىلعى الەم چەمپيوناتىندا التىن جۇلدەگە، 2019 -جىلعى الەم چەمپيوناتىندا كۇمىس جۇلدەگە قول جەتكىزگەن.