وسكەمەن مەن سەمەيدە 50 ادامنان اسىرماي اس بەرۋگە رۇقسات ەتىلدى
ش ق و باس سانيتار دارىگەرىنىڭ قاۋلىسىنا وزگەرىستەر ەنگىزىلدى.
«وبلىس بويىنشا «جاسىل» ايماقتا تۇرعان قالا- اۋداندارداعى قوعامدىق تاماقتانۋ ورىندارىنا تولتىرىلۋىن %50 دەيىن، جالپى كەلۋشىلەردى 70 ادامنان اسىرماي، ساعات 7.00 دەن 02.00 گە دەيىن جۇمىس ىستەۋگە رۇقسات بەرىلدى. ال جازعى الاڭدار شەكتەۋسىز جۇمىس ىستەيدى. بانكەت زالدارىنا تولتىرىلۋىن %50، قوناقتار سانىن 70 ادامنان اسىرماي ەسكە الۋ شارالارىن وتكىزۋگە بولادى، - دەلىنگەن قۇجاتتا.
ال «سارى» ايماقتا تۇرعان وسكەمەن، سەمەي قالالارى مەن اياگوز اۋدانىندا بانكەت زالدارىنىڭ تولتىرىلۋىن 30 پايىزدان، قوناقتاردىڭ جالپى سانىن 50 ادامنان اسىرماي اس بەرۋگە رۇقسات ەتىلدى.
«سونداي- اق اتالعان ەكى قالا مەن اۋدانداعى قوعامدىق تاماقتانۋ ورىندارى تولتىرىلۋىن%50، جالپى كەلۋشىلەردى 50 ادامنان اسىرماي، ساعات 7.00 دەن 24.00 گە دەيىن اشىق بولادى. ال جازعى الاڭدار ساعات 7.00 دەن 02.00 گە دەيىن جۇمىس ىستەيدى، - دەلىنگەن قاۋلىدا.
ايتا كەتەيىك، بۇعان دەيىن ش ق و باس سانيتار دارىگەرىنىڭ جاڭا قاۋلىسىمەن ءوڭىردىڭ تۋريستىك نىساندارىنا قوناقتاردى قابىلداۋعا رۇقسات ەتىلگەن بولاتىن.
