قازاقستاندا كوروناۆيرۋس جۇقتىرعانداردىڭ %50 استامى جازىلدى
بۇل تۋرالى ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازييەۆ ايتتى، دەپ حابارلايدى قازاقپارات ءتىلشىسى.
«بۇگىنگى كۇنى قازاقستاندا كوروناۆيرۋس جۇقتىرۋدىڭ 6440 جاعدايى تىركەلدى. 3256 ادام نەمەسە 50 پايىزدان استام جازىلىپ، ۇيلەرىنە شىعارىلدى. 3150 پاتسيەنت ەم الىپ جاتىر. وتكەن تاۋلىكتە ەلىمىزدە جاڭادان 283 جاعداي تىركەلىپ، ءوسىم 4,6 پايىز بولدى. بۇل - ايقىندالعان ءوسىم اياسىندا دەگەن ءسوز. ولاردىڭ نەگىزگى بولىگى - 187 وقيعا سكرينينگ ارقىلى، بەلسەندى ىزدەستىرۋ بارىسىندا انىقتالدى» ، - دەدى ول «دەنساۋلىق مينيسترلىگى حابارلايدى.. .» باعدارلاماسى بارىسىندا.
ونىڭ دەرەگىنشە، 283 ادامنىڭ 69 ى - كوروناۆيرۋسقا شالدىققاندارمەن بايلانىستا بولعاندار. 18 جاعدايدا ۆيرۋس - جرۆي، تۇماۋ بەلگىلەرىمەن جەدەل جاردەمگە حابارلاسقاننان كەيىن انىقتالعان.
«اقتوبە مەن شىعىس قازاقستان وبلىستارىندا جاڭا جاعدايلار تىركەلگەن جوق. اپتا ىشىندەگى احۋالدى الىپ قاراساق، 11- مامىردان 17- مامىرعا دەيىن 1350 ناۋقاس تىركەلدى. ءوسىم قارقىنى 2 دەن 5 پايىزعا دەيىنگى ارالىقتا اۋىتقىپ تۇرادى. ولاردىڭ 80 پايىزى الدىن الۋ سكرينينگى بارىسىندا انىقتالعان» ، - دەدى تيمۋر سۇلتانعازيەۆ.
