ەلوردادا بەس جىل ىشىندە 50-گە تارتا مەكتەپ سالىنادى
«ءبىلىم سالاسىنا قاتىستى ءبىرقاتار تاپسىرامالار بەرگەن بولاتىن. بىرىنشىدەن، مۇعالىمدەردىڭ مارتەبەسىن كوتەرۋ، ەكىنشىدەن، مەكتەپتەردىڭ ماتەريالدىق- تەحنيكالىق بازاسىن نىعايتۋ، سونداي- اق اۋىل جانە قالا مەكتەبىنىڭ اراسىنداعى ايىرماشىلىقتى ازايتۋ. جاقىندا عانا ۇكىمەتتىڭ وتىرىسىندا 2020-2025 -جىلدارعا ارنالعان ءبىلىم سالاسىن دامىتۋ جونىندە مەملەكەتتىك باعدارلاما ماقۇلداندى. وعان قوسا، قازىر پارلامەنتتە ۇستازدار مارتەبەسى تۋرالى زاڭ جوباسى تالقىلانۋدا. ءبىزدىڭ ويىمىزشا، جىلدىڭ اياعىنا دەيىن بۇل قۇجات قابىلدانادى. ەكى ۇلكەن قۇجاتتىڭ ماقساتى - بارلىق جەردە اپاتتى جاعدايداعى، ءۇش اۋىسىمداعى مەكتەپتەردى جويۋ. وسى ورايدا ەل اۋماعىندا قۇرىلىس جۇمىستارى قارقىندى جالعاسادى»، - دەپ توقتالدى ب. ساپاربايەۆ.
ونىڭ سوزىنە قاراعاندا، كەم دەگەندە الداعى بەس جىلدا ەلوردادا 47 مەكتەپ سالۋ جوسپارلانعان. وسى ورايدا 2020 -جىلى شاھاردا 12 مەكتەپ سالىناتىن بولادى.
«سونىمەن قاتار، مۇعالىمدەردىڭ جالاقىسىن كوتەرۋ تۋرالى تاپسىرما بەرىلدى. بۇل رەتتە بيۋدجەتتە قارجى قاراستىرىلدى»، - دەدى ق ر پرەمەر- ءمينيسترىنىڭ ورىنباسارى.
ايتا كەتەيىك، ەلوردا تۇرعىندارىمەن كەزدەسۋگە ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، دەنساۋلىق ساقتاۋ ءمينيسترى ەلجان ءبىرتانوۆ، نۇر- سۇلتان قالاسىنىڭ اكىمى التاي كولگىنوۆ قاتىستى.
اۆتور: رۋسلان عابباسوۆ
