ءىنىسىنىڭ قۇجاتىمەن شەكارادان وتپەك بولعان 50 جاستاعى وزبەكستاندىق ۇستالدى
اقتوبە شەكارا جاساعىنىڭ «الىمبەت-اۆتو» بولىمشەسىندە شەكاراشىلار رەسەيگە كەتىپ بارا جاتقان اۆتوبۋستىڭ ىشىنەن مەملەكەتتىك شەكارادان جاسىرىنىپ وتپەك بولعان ازاماتتى قولعا ءتۇسىردى.
ول جۇرگىزۋشىلەر دەمالاتىن ورىندا، كورپەنىڭ استىندا تىعىلىپ جاتقان. 29 جاستاعى قازاقستان ازاماتىنا ەلدەن شىعۋعا تىيىم سالىنعان بولىپ شىقتى. اۆتوبۋس جۇرگىزۋشىسى دە ق ر اكىمشىلىك قۇقىق بۇزۋ كودەكسى 515-بابىنىڭ 2-بولىگى بويىنشا جاۋاپقا تارتىلادى.
تاعى ءبىر وسىنداي كەلەڭسىز جاعداي ماڭعىستاۋ وبلىسىندا تىركەلدى. بەينەۋ شەكارا جاساعى «نوكىس - بەينەۋ» باعىتىنداعى №647 جولاۋشىلار پويىزىن تەكسەرۋ بارىسىندا 1974 -جىلعى وزبەكستان ازاماتىنىڭ ءتولقۇجاتىن ۇسىنعان جولاۋشىنى ۇستادى. ءتولقۇجاتتىڭ بۇل ازاماتقا تيەسىلى ەمەستىگىن بىردەن اڭعارعان شەكاراشىلار، تەكسەرە كەلە ونىڭ 1969 -جىلعى وزبەكستان ازاماتى ەكەنىن انىقتادى. ال ءتولقۇجات ونىڭ تۋعان ىنىسىنىكى بولىپ شىقتى.