ميانمادان 50 مىڭنان استام تۇرعىن بوسىپ كەتتى

استانا. قازاقپارات - ميانمانىڭ باتىسىنداعى مۇسىلمان ءدىنىن ۇستاناتىن روحيندجا ەتنوسى تۇراتىن راكحاين شتاتىندا 2600-دەن استام ءۇي ورتەلدى. رەسپۋبليكا بيلىگى بۇل وقيعاعا اراكان ارمياسى يسلامدىق قوزعالىسىنىڭ اسكەري جاساقتارىن ايىپتاۋدا، دەپ حابارلايدى euronews.com.
None
None

 اتالعان قوزعالىس ميانمادا تەررورلىق ۇيىم دەپ تانىلعان. ال روحيندجا ۇلىسى «ءورت قويىپ جاتقاندار قاۋىپسىزدىك كۇشتەرىنىڭ قىزمەتكەرلەرى» دەگەندى العا تارتادى. دياسپورا بەلسەندىلەرىنىڭ ايتۋىنشا، بيلىك ولاردى ەلدەن قۋىپ شىعۋعا نيەتتى.

«اسكەريلەر ءبىزدىڭ ەلدى مەكەنگە باسا- كوكتەپ كىرىپ، بارلىعىمىزدى تەكسەردى، سيىرلارىمىزدى تارتىپ الدى»، - دەيدى تۇرعىنداردىڭ ءبىرى. «سونان سوڭ وق جاۋدىرا باستادى، ءتىپتى ايەلدەر مەن بالالاردى دا اتا بەردى. ءبىز كۇرىش القاپتارىنا قاراي قاشتىق، اۋىلدا قالعانداردىڭ بارلىعىن ءولتىرىپ تاستادى».

راكحايندا ءدىني نەگىزدەگى جانجالدار توقتاماي تۇر، ولاردىڭ ارتى سوڭعى كەزدە جەرگىلىكتى بۋدديستەر مەن مۇسىلمانداردىڭ قاقتىعىسىنا ۇلاسقان. ال تامىز ايىنىڭ اياعىنا قاراي جۇزدەگەن يسلاميستىك اسكەري جاساقتار جەرگىلىكتى پوليتسيا بەكەتتەرىنە شابۋىلداعاننان كەيىن جاعداي تىپتەن ۋشىعىپ كەتكەن. قاقتىعىستاردىڭ سالدارىنان 400-دەن استام ادام قازا بولعان، 50 مىڭنان استام تۇرعىن بوسىپ كەتكەن.

ميانماداعى زورلىق- زومبىلىقتاردىڭ سالدارىنان سوڭعى جىلدارى مىڭداعان ادام قۇربان بولعان.

سوڭعى جاڭالىقتار