قازاقستاندىق كومپانيا شاڭحايعا 50 مىڭ توننادان استام استىق جەتكىزەدى - فوتو

بەيجىڭ- شاڭحاي. قازاقپارات - شاڭحاي قالاسىنداعى ق ر باس كونسۋلدىعىنىڭ ىقپالىمەن قازاقستاندىق  «Ricom Trading Limited» كومپانياسى شاڭحايلىق «Wudeli Flour Mill Group Co.، Ltd»  اتتى ءىرى استىق وڭدەۋ كومپانياسى اتالعان قىتاي مەگاپوليسىنە قازاقستاننان استىق جەتكىزۋ تۋرالى مەموراندۋمعا قول قويدى، دەپ حابارلايدى «قازاقپارات» ح ا ا قىتايداعى ءتىلشىسى.

مەموراندۋمعا سايكەس، 2017 -جىلدان 2018 -جىلعا دەيىن شاڭحايعا 50 مىڭ توننادان ارتىق بيداي جەتكىزىلەدى. بولاشاقتا بۇل كورسەتكىشتى ارتتىرۋ جوسپارلانىپ وتىر. شاڭحايداعى ق ر باس كونسۋلدىعى قازاقپارات تىلشىسىنە «Ricom Trading Limited»  كومپانياسىنىڭ ق ح ر نارىعىندا قازاقستاندىق بيداي مەن ۇن ونىمدەرىنىڭ جوعارىلاۋىن ارتتىرۋعا قىزمەت جاسايتىندىعىن ايتتى.

قازىرگى ۋاقىتتا قازاقستاندىق وندىرۋشىلەرمەن ونىمدەردىڭ باعاسى كەلىسىلىپ، جەتكىزۋ باعىتتارى انىقتالدى. ازىق- تۇلىك تاۋارلارىنىڭ 80 گە جۋىق تۇرىنە سەرتيفيكات قۇجاتتارىن العان تاعى ءبىر قازاقستاندىق كومپانيا - «استاۋ» دا قازاقستاندىق ءونىمدى ق ح ر نارىعىنا شىعارۋ ىسىمەن اينالىسادى.

بۇگىنگى تاڭدا كومپانيا قازاقستان ونىمدەرىن وتكىزۋ جونىندە شانحايدىڭ 4 مىڭنان استام دۇكەندەرىن بىرىكتىرەتىن «Bailan Group» دۇكەندەر جەلىسىمەن كەلىسىم جاساسقان.