ەلباسى ساپاربايەۆقا ءوڭىر ەكونوميكاسىندا شاعىن بيزنەستى ۇلەسىن 50 پايىزعا جەتكىزۋگە باسا نازار اۋدارۋدى تاپسىردى

استانا. قازاقپارات - مەملەكەت باسشىسى نۇرسۇلتان نازاربايەۆ اقتوبە وبلىسىنىڭ اكىمى بەردىبەك ساپاربايەۆتى قابىلدادى، دەپ حابارلادى اقوردانىڭ باسپا ءسوز قىزمەتى.

كەزدەسۋ بارىسىندا قازاقستان پرەزيدەنتىنە 2016 -جىلدىڭ قورىتىندىسى بويىنشا اقتوبە وبلىسىنىڭ الەۋمەتتىك- ەكونوميكالىق دامۋى جونىندە باياندالدى.

ەلباسى اقتوبە وبلىسىنىڭ پەرسپەكتيۆالى ونەركاسىپتىك ءوڭىر بولىپ سانالاتىنىن، دەگەنمەن ەلىمىزدىڭ ىشكى جالپى ونىمىنە قوساتىن وبلىستىڭ ەكونوميكالىق ۇلەسى جىلدان جىلعا ازايىپ كەلە جاتقانىن اتاپ ءوتتى.

- مۇنداي ءۇردىس 2012 -جىلدان بەرى جالعاسۋدا. ءبىز ونىڭ سەبەپتەرىن انىقتاپ، ءتيىستى شارالار قابىلداۋىمىز كەرەك. ەگەر دە اۋىل شارۋاشىلىعى ەكسپورتىن ارتتىرامىز دەسەك، قايتا وڭدەۋ ءوندىرىسى نىساندارىن دامىتۋعا ءمان بەرۋ قاجەت، - دەدى نۇرسۇلتان نازاربايەۆ.

مەملەكەت باسشىسى شاعىن جانە ورتا بيزنەستى دامىتىپ، ونىڭ ءوڭىر ەكونوميكاسىنداعى ۇلەسىن 50 پايىزعا جەتكىزۋدىڭ ماڭىزدىلىعىنا نازار اۋداردى.

سونداي- اق، قازاقستان پرەزيدەنتى وبلىستىڭ الەۋمەتتىك سالاداعى جۇمىسىنىڭ باسىمدىعى بار باعىتتارىن بەلگىلەپ بەردى. سونىڭ قاتارىندا بالاباقشا سانىن كوبەيتۋ، اپاتتى جاعدايدا تۇرعان مەكتەپتەرگە جوندەۋ جۇمىستارىن جۇرگىزۋ، بۇعان قوسا ءبىرقاتار ءبىلىم بەرۋ مەكەمەلەرىندەگى ءۇشىنشى اۋىسىمدى جويۋ ماسەلەلەرى بار.

اقتوبە وبلىسىنىڭ اكىمى ءوڭىردىڭ ەكونوميكالىق جاعدايىن جاقسارتۋ، سونىڭ ىشىندە ونەركاسىپ سەكتورىن دامىتۋ، اۋىل شارۋاشىلىعىنا ينۆەستيتسيا تارتۋ جانە حالىقتى جۇمىسپەن قامتۋ ماقساتىمەن جۇرگىزىلگەن جۇمىستار تۋرالى ايتىپ بەردى.

- جىل قورىتىندىسى بويىنشا وبلىستىڭ الەۋمەتتىك- ەكونوميكالىق دامۋىنىڭ نەگىزگى كورسەتكىشتەرى وسكەنى بايقالادى. ەڭ باستىسى - جۇمىسسىزدىقتىڭ كوبەيۋىنە جول بەرگەن جوقپىز. مەملەكەتتىك باعدارلامالاردىڭ دەر كەزىندە جۇزەگە اسىرىلۋى ناتيجەسىندە بىلتىر 16 مىڭ جاڭا جۇمىس ورنى اشىلدى، - دەدى ب. ساپاربايەۆ.

كەزدەسۋ سوڭىندا ەلباسى ءبىرقاتار ناقتى تاپسىرما بەردى.