12:22, 03 - اقپان 2017 | GMT +6
بريتاندىق تۇرعىن حولوكوست كەزىندە ءوزى قۇتقارعان بالالاردى 50 جىلدان كەيىن كوردى - كەسكىن
استانا. قازاقپارات - جەلىدە 1988 -جىلى تۇسىرىلگەن تەلەباعدارلاما جازباسى تانىمال بولا باستادى.
ونداعى باستى كەيىپكەر، بريتاندىق نيكولاس ۋينتون 669 ەۆرەي بالاسىن حولوكوستتان (ازاپتاۋ تۇرمەلەرى) قۇتقارىپ قالعان. ەر ادام ستۋدياعا جينالعان كورەرمەندەردىڭ 1939 -جىلى چەحوسلوۆاكيادان ۇلى بريتانياعا ءوزى الىپ شىققان بالالار ەكەنىن بىلگەندە تاڭ قالدى. ءوزىنىڭ بۇل ەرلىگى جايلى ۋينتون ەشكىمگە ايتپاعان. ءۇي شاتىرىنان قۇتقارىلعان سابيلەردىڭ قۇجاتتارى مەن فوتولارىن تاۋىپ العان ايەلى وعان توسىنسىي جاساۋدى ۇيعاردى. ستۋدياعا جينالعان كورەرمەندەر، ياعني قۇتقارىلعان بالالار ەلۋ جىلدان كەيىن نيكولاسقا شەكسىز العىستارىن ءبىلدىردى.
