دۇنيەجۇزىلىك ساۋدا ۇيىمى كەلىسسوزدەرى بارىسىندا قازاقستاننىڭ 50 گە تارتا زاڭىنا وزگەرىستەر ەنگىزىلدى
بۇل تۋرالى ق ر ەكونوميكالىق ىقپالداستىق ءمينيسترى جانار ايتجانوۆا ءمالىم ەتتى.
«ەكونوميكالىق ساياساتىمىزدى جانە قازاقستان زاڭناماسىن د س ۇ نورمالارىنا سايكەستەندىرۋ جولىندا مەملەكەت باسشىسىنىڭ باسقارۋىمەن پارلامەنت پەن ۇكىمەت وسى جىلداردا قىرۋار جۇمىس اتقاردى. وسىلايشا، قازاقستاننىڭ 50 گە تارتا زاڭى وزگەرىسكە ۇشىرادى. د س ۇ- عا ەنۋ ءۇشىن كەدەندىك وداق پەن ەۋرازيالىق ەكونوميكالىق وداقتىڭ 10 كەلىسىمىنە قاجەتتى وزگەرىستەر ەنگىزىلدى»، - دەپ اتاپ ءوتتى ول.
ونىڭ ايتۋىنشا، كەلىسسوزدەر قازاقستاننىڭ مۇددەسىنە ساي جانە بارلىق تالاپتار بويىنشا تىڭعىلىقتى جۇرگىزىلدى.
سەبەبى، بىزگە ۇيىمعا ەنۋ ەمەس، د س ۇ- عا قانداي تالاپتارمەن كىرەتىنىمىز ماڭىزدى بولدى. ەڭ باستى جەڭىسىمىز - جالپى اۋىل شارۋاشىلىق ءونىمىنىڭ 8,5 پايىز كولەمىندە سۋبسيديالاۋدى جۇرگىزۋ قۇقىعى. د س ۇ قۇرىلعالى بەرى مۇنداي ناتيجەگە تەك قىتاي مەن قازاقستان قول جەتكىزىپ وتىر. قىتاي 2001 - جىلى د س ۇ- عا مۇشە بولعانىن بىلەسىزدەر»، - دەدى ول.
سونىمەن قاتار ونەركاسىپتى قولداۋدىڭ نەگىزگى تەتىكتەرى دە ساقتالماق.
اۆتور: جاسۇلان جولدىبايەۆ
