ەكسپو قارساڭىندا وڭىرلەردەن استاناعا 500 پوليتسەي كەلدى
ق ر ءى ءى م- نىڭ باسپا ءسوز قىزمەتىنەن ءمالىم ەتكەندەي، ولار قىزمەت اتقارۋ تاسىلدەرى، تەكسەرۋلەر جۇرگىزۋ، سونداي-اق شەت تىلدەرىن وقۋ كۋرستارى بويىنشا ءتيىستى دايىندىقتان وتكەن جانە استانا قالالىق ءى ءى د- نىڭ قىزمەتكەرلەرىنە ەلوردا اۋماعىندا قۇقىقتىق ءتارتىپتى ساقتاۋعا جانە جول قاۋىپسىزدىگىن قامتاماسىز ەتۋگە كومەكتەسەتىن بولادى.
اعىمداعى جىلعى 11 -مامىردا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى، پوليتسيا گەنەرال- مايورى ەرلان تۇرعۇمبايەۆتىڭ قاتىسۋىمەن جەكە قۇرامنىڭ ساپتىق تەكسەرۋى ءوتتى. وندا تەحنيكالار، ىشكى ىستەر ورگاندارى قىزمەتكەرلەرىنىڭ سىرتقى كەلبەتى، ەكيپيروۆكالارى تەكسەرىلدى.
وڭىردەن كەلگەن قوسىمشا كۇشتەر جاڭا كيىممەن، بەينە جەتوندارمەن، كەۋدە بەلگىلەرىمەن، اعىلشىن جانە باسقا دا تىلدەردەگى سوزدىكتەرمەن قامتاماسىز ەتىلدى. استانانىڭ اۋماعىنا پاترۋلدەۋ جۇرگىزۋ ءۇشىن قوسىمشا پاترۋلدىك اۆتوكولىكتەر، قاجەتتى تەحنيكالىق قۇرالدار جەتكىزىلدى. جەكە قۇرامعا قىزمەتتىك ەتيكانى بۇلجىتپاي ورىنداۋ جانە استانانىڭ تۇرعىندارى مەن قوناقتارىنا سىپايىلىق تانىتۋ، مۇقيات قارىم- قاتىناستا بولۋ، زاڭدىلىق پەن ءتارتىپتى بۇزۋ فاكتىلەرىنە جول بەرمەۋ تۋرالى باسا ايتىلدى. ءى ءى م ورتالىق اپپاراتى قىزمەتكەرلەرىنىڭ تاراپىنان جەكە قۇرامنىڭ قىزمەتىن كۇندەلىكتى تەكسەرۋ ءۇشىن كومەنداتتىق پاترۋلدەر قۇرىلدى.
