09:11, 04 - ءساۋىر 2017 | GMT +5
مادريدتە 500 كەلىلىك بۇقا تورەادوردى تاپتاپ تاستادى - كەسكىن
استانا. قازاقپارات - جەلىدە مادريدتەگى يسپاندىق كورريدادا تۇسىرىلگەن جان تۇرشىگەرلىك كادرلار پايدا بولدى، وندا جاس تورەادور سالماعى جارتى تونناعا جەتەتىن بۇقانىڭ تۇياعىنا تاپتالادى.
23 جاستاعى دانيەل گارسيا ناۆاررەتەگە 10 مىڭ ادامدىق اۋديتوريا الدىندا شابۋىل جاسالدى. ەشكىم ونى اۋىر جارالانادى دەپ ويلاماسا كەرەك. جانۋار جاس جىگىتتى ءتورت رەت ءسۇزدى: ەكى رەت يەگىنەن جانە ەكى رەت موينىنان. بەينەجازبادا بۇقانىڭ تورەادوردى اۋەدە اۋدارىپ تاستاعانىن جانە مۇيىزىمەن سۇزگەنىن كورۋگە بولادى. سول ساتتە ادامدار بۇقانى الدارقاتۋ ءۇشىن قاتتى ايعايلاي باستادى. ءبىراق ەش قايران بولمادى. دارىگەرلەر دانيەلدى اسا اۋىر جاعدايدا اۋرۋحاناعا جەتكىزدى.
