قىتاي تۋر وپەراتورلارى ەكسپو كورمەسىنە 500 مىڭ بيلەت ساتىپ الماق
بۇل تۋرالى بۇگىن قازاقستان مەن رەسەيدىڭ XIII ءوڭىرارالىق ىنتىماقتاستىق فورۋمى اياسىندا وتكەن «قازاقستان رەسپۋبليكاسى مەن رەسەي فەدەراتسياسى اراسىنداعى تۋريزمدى دامىتۋدىڭ جاڭا مۇمكىندىكتەرى» تاقىرىبىنداعى پانەلدىك سەسسيادا «استانا ەكسپو-2017» ۇ ك» ا ق باسقارماسى ءتوراعاسىنىڭ ورىنباسارى ەربول شورمانوۆ ءمالىم ەتتى.
«جالپى، كورمەگە 5 ميلليوننان استام كەلۋشى بولادى دەپ كۇتۋدەمىز. ءبىز ارنايى ماركەتينگتىك زەرتتەۋ جۇرگىزدىك. اتالعان زەرتتەۋگە سايكەس كەلۋشىلەردىڭ 85 پايىزىن ءوز ەلىمىزدىڭ ازاماتتارى، ال 15 پايىزىن شەتەلدىكتەر قۇرايدى»، - دەدى ول.
وسى رەتتە ءتوراعا ورىنباسارى ەكسپو- عا كەلەتىن تۋريستەر قاتارىندا رەسەي مەن قىتاي سىندى كورشى ەلدەردىڭ ازاماتتارى كوپ بولاتىندىعىنا ءۇمىت ارتىلاتىندىعىن ايتتى.
«قازىرگى ۋاقىتتا وتاندىق 5 تۋريستىك كومپانيامەن ەكسپو- نىڭ 74 مىڭ بيلەتىن ساتىپ الۋ بويىنشا كەلىسىمشارتقا قول قويدىق. بۇل ءبىز ءۇشىن وتە جاقسى باستاما. ونىڭ ودان ارى قارقىندى داميتىندىعىنا سەنىم ارتامىز. مۇنان بولەك، قىتايدىڭ جەتەكشى 3 تۋريستىك وپەراتورىمەن ق ح ر ازاماتتارى ءۇشىن 500 مىڭ بيلەت ساتىپ الۋ بويىنشا كەلىسسوزدەردى اياقتاۋعا جاقىنبىز»، - دەدى ە. شورمانوۆ.
سونىمەن قاتار ول «قازاقستان تەمىر جولى» ۇلتتىق كومپانياسىمەن دە 500 مىڭ بيلەت ساتىپ الۋ تۋرالى كەلىسىمشارت جاساسقان. بۇل تەمىر جول بيلەتتەرى ازاماتتارعا ەكسپو- عا كەلۋگە مۇمكىندىك بەرەدى.
«بۇگىنگى كۇنى 103 مەملەكەت پەن 17 حالىقارالىق ۇيىم ەكسپو كورمەسىنە قاتىساتىندىعىن رەسمي راستادى. بۇل ءبىز ءۇشىن زور جاۋاپكەرشىلىك. وسى رەتتە رەسەيلىك پاۆيلوننىڭ كورمە اۋماعىندا وتە ءتيىمدى جەردە، ءىرى ساۋدا ورتالىعىنا قاتار ورنالاسقانىن اتاپ وتكىم كەلەدى. ر ف پاۆيلونىنىڭ اۋماعى 1008 شارشى مەتردى قۇرايدى. ارينە، بۇل الەمدىك اۋقىمداعى شارا، تۋريستەر لەگى مول بولادى. ءبىز جىل سوڭىنا دەيىن، قازاننىڭ اياعىندا بارلىق نەگىزگى قۇرىلىس جۇمىستارىن اياقتايمىز جانە قاراشانىڭ العاشقى كۇندەرىنەن باستاپ سالىنعان پاۆيلونداردىڭ بارلىعىن قاتىسۋشى ەلدەرگە بەرۋگە رەسمي دايىن بولامىز»، - دەدى ول.
