بولاشاق حالىقارالىق ستيپەندياسىنىڭ تۇلەكتەرى جارمەڭكەسىندە 500 بوس جۇمىس ورنى ۇسىنىلدى
بۇگىن Coworking Multispace «Astana Mall» ويىن-ساۋىق ورتالىعىندا «حالىقارالىق باعدارلامالار ورتالىعى» ا ق تۇلەكتەرمەن جۇمىس دەپارتامەنتى مەن «Bolashak Alumni Relations Office» (BARO) قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىنىڭ تۇلەكتەرىن جۇمىسقا ورنالاستىرۋدا ىقپال ەتۋ ءۇشىن «Bolashak Job Fair 2016» بوس جۇمىس ورىندارىنىڭ جارمەڭكەسى ءوتتى.
«Bolashak Job Fair - بۇل BARO كومانداسىنىڭ جىل سايىنعى ءىس-شاراسى، «بولاشاق» پرەزيدەنتتىك ستيپەندياسىنىڭ شەڭبەرىندە بەدەلدى باتىستىق ءبىلىم العان جوعارى بىلىكتى ماماندار جانە ءارتۇرلى كومپانيالار مەن ۇيىمدار ءۇشىن بىرەگەي رەكرۋتينگتىك الاڭى»، دەلىنگەن «حالىقارالىق باعدارلامالار ورتالىعى» ا ق باسپا ءسوز قىزمەتى تاراتقان حابارلامادا.
بۇل جىلى جارمەڭكە جۇمىسىندا 500 دەن استام بوس جۇمىس ورىنىن ۇسىنعان 60 جۇمىس بەرۋشى قاتىستى. ءداستۇرلى تۇردە ءىس- شارا شەڭبەرىندە جۇمىس ىزدەۋشىلەرگە جۇمىسقا ورنالاستىرۋ سالاسىنىڭ ساراپشىلارىنان ءتيىمدى كەڭەستەر بەرىلدى. سونىمەن قاتار، مىناداي ۇيىمداردىڭ تانىستىرۋ راسىمدەرى وتكىزىلدى: قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى، «قازمۇنايگاز» ۇ ك» ا ق، «قازحروم» ت ۇ ك ا ق، McKinsey Company, Ink Architects جانە ت. ب.
بۇعان قوسا، ءىس- شارا بارىسىندا «حالىقارالىق باعدارلامالار ورتالىعى» ا ق پرەزيدەنتى گ. نىگىمەتوۆ «جاس ۇرپاق» شىعارماشىلىق فوتوبايقاۋىنىڭ قورىتىندىسىن شىعاردى.
وسىلاي، «ۋنيۆەرسيتەت ءومىرى» نوميناتسياسىندا جاپونيادان (توكاي ۋنيۆەرسيتەتى) ستيپەنديات جانار نۇرتولەۋ، «حوببي كادردا» نوميناتسياسىندا رەسەيدەن (ماسكەۋ مەملەكەتتىك قاتىناس جولدارى ۋنيۆەرسيتەتى) ستيپەنديات ءادىل سماعۇلوۆ، «قازاقستان تۋى - ماقتانىشىم مەنىڭ!» نوميناتسياسىندا ا ق ش- تان (ايوۆا ۋنيۆەرسيتەتى) ستيپەنديات مادينا تۇرسۇمبايەۆا جانە «ميسس ماگيستر» نوميناتسياسىندا ا ق ش- تان (ميننەسوتا ۋنيۆەرسيتەتى) ستيپەنديات گۇلجان قۇتتىبايەۆا جەڭىمپاز اتاندى.
ءىس- شارا ۇيىمداستىرۋشىسى - قازاقستان رەسپۋبليكاسىنىڭ ءبىلىم جانە عىلىم مينيسترلىگى «حالىقارالىق باعدارلامالار ورتالىعى» ا ق. اتالعان ءىس- شاراعا 500 گە جۋىق جۇمىس ىزدەۋشىلەر قاتىستى.
