22:47, 20 - ناۋرىز 2016 | GMT +5
جەتى ميلليون 500 مىڭنان استام قازاقستان ازاماتى داۋىس بەردى - ق. تۇرعانقۇلوۆ
استانا. قازاقپارات - قازاقستان بويىنشا سايلاۋ بارىسىندا 7 ميلليون 500 مىڭنان استام سايلاۋشى داۋىس بەردى. بۇل تۋرالى ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.
«قازىرگى ساتتە داۋىس بەرۋ ۇدەرىسى اياقتالدى. سايلاۋشىلار تىزىمىنە بارلىعى 9 ميلليون 800 مىڭ ازامات ەنگىزىلگەن بولاتىن. كەشكى ساعات 00-20 دەگى جاعداي بويىنشا 7 ميلليون 500 مىڭنان استام سايلاۋشى ءوز كونستيتۋتسيالىق قۇقىعىن پايدالاندى.
الدىن الا اقپاراتقا سايكەس رەسپۋبليكا بويىنشا تىزىمگە ەنگىزىلگەن بارلىق سايلاۋشىلاردىڭ 77,1 پايىزى داۋىس بەرۋگە قاتىستى. وتكەن سايلاۋلاردىڭ دەرەكتەرىمەن سالىستىرعاندا بۇل رەكوردتىق كورسەتكىش. قازىرگى ۋاقىتتا بارلىق سايلاۋ ۋچاسكەلەرىندە داۋىستاردى ساناۋ ءجۇرىپ جاتىر»، - دەدى ق. تۇرعانقۇلوۆ.
اۆتور: مارلان جيەمباي
