كۇن سايىن استانا كوشەلەرىن تازالاۋعا 500 جۇمىسشى جۇمىلدىرىلادى
كۇن سايىن قالا كوشەلەرىن تازالاۋ جۇمىستارىنا 500 ادام تارتىلادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
اتاپ ايتقاندا، «الماتى» اۋدانىندا 135 ادامنان تۇراتىن 5 بريگادا، «سارى ارقا» اۋدانىندا 155 ادامدىق 5 بريگادا جانە «ەسىل» اۋدانىنىڭ 5 بريگاداسىندا 184 ادام جۇمىس ىستەيدى.
جۇمىسشىلار تاڭ اتىسىمەن ءوز شارۋالارىنا كىرىسەدى. «استانا تازالىق» ج ش س جاز ماۋسىمىندا كوشەلەردى تازالاۋ، اباتتاندىرۋ، جول بويىن جۋۋ، قوقىستاردى شىعارۋ سياقتى جۇمىستاردى اتقارادى.
اتاپ ايتقاندا، جول جيەكتەرىنە سۋ شاشۋ جۇمىستارى اپتاپ ىستىق كەزىندە عانا جۇزەگە اسىرىلادى. سول ارقىلى جولداعى شاڭنىڭ ازايۋى قامتاماسىز ەتىلەدى.
جالپى، جاز ۋاقىتىندا كوشەلەردى تازالاۋ جۇمىستارىنا قالانىڭ ءۇش اۋدانى بويىنشا مامانداندىرىلعان تەحنيكانىڭ 160 بىرلىگى جۇمىلدىرىلادى. سونىڭ ىشىندە، جۋۋ قۇرىلعىلارى، جول سىپىرۋعا، سۋ شاشۋعا ارنالعان تەحنيكالار، جۇك تيەگىشتەر مەن جۇك تاسىمالداعىشتار دا بار.
ايتا كەتەيىك، كوممۋنالدىق قىزمەت وكىلدەرى ءۇشىن جۇمىس كۇنى تاڭعى ساعات 6 دان باستالادى.
