ەلباسى: قازاقستان- چەح بيزنەس فورۋمىندا 500 ميلليون دوللاردىڭ كەلىسىمىنە قول قويىلادى

استانا. قازاقپارات - قازاقستان- چەح بيزنەس فورۋمىندا 500 ميلليون دوللاردىڭ كەلىسىمىنە قول قويىلادى.

بۇل تۋرالى بۇگىن اقوردادا چەحيا پرەزيدەنتى ميلوش زەمانمەن كەلىسسوزدەردەن كەيىنگى بىرلەسكەن مالىمدەمەدە ەلباسى نۇرسۇلتان نازاربايەۆ ايتتى.

«بۇگىن چەح رەسپۋبليكاسى مەن قازاقستاننىڭ ىسكەر ادامدارىنىڭ قاتىسۋىمەن بيزنەس فورۋم وتەدى. قۇنى 500 ميلليون دوللاردى قۇرايتىن شامامەن 13 كەلىسىمگە قول قويىلادى. مەنىڭشە، بارلىق مۇمكىنشىلىكتەر ەسكەرىلەدى»، - دەدى مەملەكەت باسشىسى.

ق ر پرەزيدەنتىنىڭ اتاپ وتۋىنشە، قازاقستاندا يندۋستريالىق- يننوۆاتسيالىق دامۋدىڭ ەكىنشى بەسجىلدىعى باستالادى. وعان چەح كومپانيالارى دا قاتىسا الادى.

اۆتور: مارلان جيەمباي