ۋكراينا ءى ءى م رەسەيلىك 500 ءارتىستىڭ ەلگە كەلۋىنە تىيىم سالماق
«قىرىمدى باسىپ الۋ مەن ۋكراينانى ءبولىپ بيلەۋ» يدەياسىن قۇپتاعان مادەني قايراتكەرلەر «قارا تىزىمگە ىلىنەدى»، دەپ ءمالىم ەتتى ۋكراينا ءى ءى م كەڭەسشىسى انتون گەراشەنكو، دەپ حابارلايدى يتار-تاسس.
«ۋكراينا ءى ءى م-ى قىرىمدى باسىپ الۋ مەن ۋكراينانىڭ شىعىسىنداعى سەپاراتيستىك يدەيانى قۇپتاپ وتىرعان 500 دەن اسا رەسەي فەدەراتسياسىنىڭ مادەني قايراتكەرىنە ەلگە كىرۋگە تىيىم سالادى»، - دەپ جازدى انتون گەراشەنكو ءوزىنىڭ الەۋمەتتىك جەلىدەگى جەكە پاراقشاسىندا.
بۇعان دەيىن حابارلاعانىنداي، ودەسسادا اني لوراكتىڭ كونتسەرتىن ۇزبەك بولعان ۇلتشىلدار ءانشى ولەڭ ايتۋى ءتيىس تۇنگى كلۋبتىڭ الدىندا بۇلىكشىلىك ۇيىمداستىردى.
«قازىر ءبىز «قىرىمدى باسىپ الۋ مەن ۋكراينانى ءبولىپ بيلەۋ» يدەياسىن قۇپتاعان 500 دەن اسا مادەني قايراتكەردى قامتيتىن ءتىزىم ازىرلەۋدەمىز. ولارعا ۋكراينا اۋماعىنا كىرۋگە تىيىم سالىناتىن بولادى»، - دەدى انتون گەراشەنكو وتكەن ءتۇنى «يبيتسا» تۇنگى كلۋبىنىڭ الدىندا اني لوراكتىڭ كونسەرتىن توقتاتۋ ءۇشىن جينالعان ۇلتشىل توپ پەن پوليتسيا اراسىندا ورىن العان قاقتىعىسقا تۇسىنىكتەمە بەرە وتىرىپ.
«مەن اني لوراك نەمەسە باسقا دا مادەنيەت جانە ونەر وكىلدەرىنىڭ رەسەيگە قاتىستى قارىم-قاتىناسىن ءجون سانامايمىن. ولارعا ۋكراينا جەرىندە كونسەرت قويىپ نەمەسە ولەڭ ايتىپ اقشا تابۋلارىنا مۇمكىندىك بەرمەۋ كەرەك»، - دەپ ءمالىم ەتتى ول.
بۇدان بۇرىن لاتۆيا سىرتقى ىستەر مينيسترلىگى ەلگە كىرۋگە تىيىم سالىنعان شەتەلدىكتەردىڭ قارا تىزىمىنە ءبىرقاتار رەسەي ازاماتتارىن ەنگىزۋ جونىندە شەشىم قابىلداعان ەدى. ولاردىڭ قاتارىندا يوسيف كوبزون، ۆالەريا مەن ولەگ گازمانوۆ تا بار.
ءوز كەزەگىندە دنەپروپەتروۆسك وبلىسىنىڭ مەملەكەتتىك اكىمشىلىگى قالا بيلىگىنە يوسيف كوبزوندى «دنەپروپەتروۆسك قۇرمەتتى ازاماتى» اتاعىنان ايىرۋ تۋرالى ءوتىنىش ءبىلدىردى.
