بيىل نازاربايەۆ ۋنيۆەرسيتەتىنە 500 گرانت بولىنگەن
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە كەشەندى تەستىلەۋ قورىتىندىلارىنا ارنالعان بريفينگ بارىسىندا ءبىلىم جانە عىلىم ۆيسە- ءمينيسترى تاحير بالىقبايەۆ ءمالىم ەتتى.
«قازاقستان رەسپۋبليكاسىنداعى جوعارى وقۋ ورىندارىنا ماقساتتى باعىتتاعى مەملەكەتتىك گرانت ورىندارى دا ايقىندالدى. اتاپ ايتقاندا، تۇركى تىلدەس مەملەكەتتەر ازاماتتارى ءۇشىن قوجا احمەت ياساۋي ۋنيۆەرسيتەتىندە وقۋعا - 200 گرانت، قازاقستان ازاماتتارىنا ماسكەۋ مەملەكەتتىك ۋنيۆەرسيتەتىندە وقۋعا - 125 گرانت، نازاربايەۆ ۋنيۆەرسيتەتى وقۋ ورنىنا - 500 گرانت، موڭعوليا ازاماتتارى ءۇشىن شىعىس قازاقستان مەملەكەتتىك ۋنيۆەرسيتەتىنە - 25 گرانت، اۋعانستان ازاماتتارىنا 54 گرانت ءبولىنىپ وتىر» ، - دەيدى ۆيسە- مينيستر. ونىڭ ايتۋىنشا، ونەر سالاسىنىڭ وقۋ ورىندارىنا جەكە 770 گرانت قاراستىرىلعان.
«قازىرگى تاڭدا مينيسترلىك كونكۋرستىق نەگىزدە تۇلەكتەردىڭ مەملەكەتتىك گرانت بويىنشا ءبىلىم الاتىن جوعارى وقۋ ورىندارىنىڭ ءتىزىمىن انىقتادى. بۇل رەتتە رەسپۋبليكامىزدىڭ 69 جوعارى وقۋ ورنى مەملەكەتتىك گرانتتار بويىنشا تۇلەكتەردى باكالاۆر دەڭگەيىمەن وقىتۋعا قابىلداي الاتىن بولادى» ، - دەيدى ت. بالىقبايەۆ.
توقتالا كەتەتىن جايت، 23 - شىلدەدەن باستاپ 3 - شىلدەگە دەيىن قازاقستان جوعارى وقۋ ورىندارىنىڭ ءبىلىم گرانتتارىنا ءوتىنىش قابىلداۋ باستالعان بولاتىن. بيىلعى جىلى مەملەكەتتىك تاپسىرىستىڭ كولەمى 34 مىڭ 165 گرانتتى قۇراپ وتىر. ال جوعارى وقۋ ورىندارىنا يە بولعان مەملەكەتتىك گرانت يەلەرىنىڭ ءتىزىمى تامىز ايىنىڭ ءبىرىنشى ونكۇندىگىندە بەلگىلى بولادى.
اۆتور: قانات مامەتقازى ۇلى
