قىتايدىڭ قورعاس قالاسىنان 5000 عا جۋىق جانكۇيەر 2017-جىلعى ۋنيۆەرسيادانى كورۋگە كەلە الادى
بۇل تۋرالى «الماتى قالاسىنىڭ حالىقارالىق سپورتتىق جوبالار ديرەكتسياسى» مەملەكەتتىك قورى وكىلدەرىمەن بولعان كەزدەسۋدە قورعاس قالالىق تۋريزم باسقارماسىنىڭ باسشىسى ۆان شۋلين حانىم مالىمدەدى، - دەپ حابارلايدى بۇگىن ديرەكتسيانىڭ باسپا ءسوز قىزمەتىنەن.
ۆان شۋلين حانىمنىڭ ايتۋىنشا، قورعاس قالاسىنىڭ تۋريزم باسقارماسى الماتىدا وتەتىن 28- بۇكىل الەمدىك ۋنيۆەرسياداعا بارىنشا كوپ ادام اپارۋ ءۇشىن ءىرى ماركەتينگتىك جوبا جاساماق نيەتتە.
«ءبىز قورعاس حالقىنا، 2017-جىلعى ۋنيۆەرسيادانى بارىنشا تانىتقىمىز كەلەدى. بىلتىر ءبىز شەتەلگە 18000 عا جۋىق تۋريست شىعارعانبىز. بۇعان ارنايى ماركەتينگتىك ناۋقاننىڭ ارقاسىندا قول جەتكىزدىك. ەندى ءبىز الماتىداعى ۋنيۆەرسيادا ويىندارىنا بارىنشا كوپ تۋريست اپارۋ ءۇشىن تىنباي ەڭبەك ەتەتىن بولامىز. ايتا كەتەيىن، ماركەتينگتىك كومپانيانى جۇرگىزۋ - ىشكى قارجىمەن قامتاماسىز ەتىلەدى. ۋنيۆەرسيادا ۇيىمداستىرۋ كوميتەتى تاراپىنان شىعىن بولمايتىنىن ايتا كەتكەن ءجون»، - دەدى ۆان شۋلين حانىم.
ايتا كەتەلىك، ۋنيۆەرسيادانىڭ تۋريستتىك مۇمكىندىگى ءقازىر الماتىدا ءوتىپ جاتقان «KITF-2016» كورمەسىندە كورسەتىلدى. وندا ۋنيۆەرسيادانى ۇيىمداستىرۋشى كوميتەت، تۋريستەردى قابىلداۋ مۇمكىندىكتەرى جايلى تولىققاندى مالىمەت بەردى.
«الماتىداعى 28- بۇكىل الەمدىك ۋنيۆەرسيادا ويىندارىنىڭ باستالۋىنا ءبىر جىلدان از ۋاقىت قالدى. ءبىز قالامىزعا 30000 عا جۋىق تۋريست كەلەدى دەپ كۇتىپ وتىرمىز. قازىر ءبىز قازاقستاندىق ءىرى تۋريستىك كومپانيالارمەن بىرگە 2017-جىلعى ۋنيۆەرسيادانىڭ تۋر- پاكەتىن جاساپ جاتىرمىز. سونداي-اق، مەگاپوليستىڭ قوناقتارى ءۇشىن ۆيزالىق جۇمىستاردى جەڭىلدەتۋ، تۋريستەردى قوناق ۇيلەرگە جايعاستىرۋ جانە جارىس بيلەتتەرىن تاراتۋدى رەتتەۋ ماسەلەلەرى قاراستىرىلىپ جاتىر»، - دەدى كەزدەسۋ بارىسىندا ديرەكتسيا باسشىسىنىڭ ورىنباسارى داستان سەيىتقازين.
اۆتور: ايبوتا جاپپاربەرگەن
