ەلىمىزدە 5-7- اقپاندا سارىشۇناق اياز بولدى

استانا. قازاقپارات - سينوپتيكتەر 5-7- اقپانداعى اۋا رايىنا ارنالعان بولجامىن جاريا ەتتى، دەپ حابارلايدى قازاقپارات قازگيدرومەتكە سىلتەمە جاساپ.

«جايىق ايماعىنان جىلجىپ كەلە جاتقان اتموسفەرالىق اعىنداردىڭ جانە قازاقستاننىڭ باسىم بولىگىندەگى وڭتۇستىك تسيكلوننىڭ سالدارىنان ەلىمىزدە قار جاۋادى، بۇرقاسىن، كۇشتى جەل سوعادى، وڭتۇستىك وبلىستارىندا تۇمان جانە كوكتايعاق كۇتىلەدى. ءبىراق قار جاۋعان سوڭ كار تەڭىزىندە ورنالاسقان انتيتسيكلونعا بايلانىستى قازاقستانعا اركتيكالىق اۋا ماسسالارى تارالىپ، رەسپۋبليكانىڭ سولتۇستىك، ورتالىق جانە شىعىس وبلىستارىندا 35-45 گرادۋس قاتتى اياز بولادى. وڭتۇستىك وڭىرلەرگە دە سۋىق كەلىپ جەتىپ، مۇندا اۋا تەمپەراتۋراسى كەي جەرلەردە مينۋس 22-30  گرادۋسقا دەيىن تومەندەيدى»، دەلىنگەن حابارلامادا.