تالدىقورعانداعى ءمايىتحاناعا 5,5 ميلليون تەڭگە ايىپپۇل سالىندى
تالدىقورعان قالالىق سانيتاريالىق-ەپيدەميولوگيالىق باقىلاۋ باسقارماسى جەتىسۋ وبلىسى بويىنشا سوت ساراپتامالارى ينستيتۋتىنىڭ سانيتاريالىق جاي-كۇيىنە تەكسەرىس جۇرگىزدى.
«باسقارما ماماندارى وسى جىلدىڭ 19-29-ماۋسىمى ارالىعىندا سوت ساراپتاماسى نىسانىندا جوسپاردان تىس تەكسەرۋ جۇرگىزدى. تەكسەرۋ بارىسىندا ءمايىتحانا ءۇي-جايلارىن ۇستاۋدىڭ سانيتاريالىق-ەپيدەميولوگيالىق تالاپتارىنىڭ ساقتالماۋ فاكتىلەرى راستالدى»، - دەلىنگەن ۆەدومستۆونىڭ حابارلاماسىندا.
تەكسەرۋ ناتيجەسى بويىنشا 1600 ايلىق ەسەپتىك كورسەتكىش مولشەرىندە ايىپپۇل سالىنىپ، زاڭدى تۇلعاعا «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 425-بابى 1-بولىگى بويىنشا اكىمشىلىك قۇقىق بۇزۋشىلىق تۋرالى حاتتاما تولتىرىلدى. سوت ساراپتاماسى وبەكتىسىنىڭ باسشىلىعىنا ناقتى ورىنداۋ مەرزىمدەرى بار بۇزۋشىلىقتاردى جويۋ تۋرالى نۇسقاما بەرىلدى.
