عالىمدار: اۋانىڭ لاستانۋىنان جىل سايىن 5,5 ميلليون ادام كوز جۇمادى

استانا. قازاقپارات - جىل سايىن بۇكىل الەمدە اۋانىڭ لاستانۋى سالدارىنان 5,5 ميلليونعا جۋىق ادام قايتىس بولادى، دەلىنگەن عىلىمدى ىلگەرىلەتۋ بويىنشا امەريكاندىق قاۋىمداستىقتىڭ جيىنىندا ۇسىنىلعان باياندامادا.

ەلەكتر ستانسالارى، زاۋىتتار، كولىكتەر، سونىمەن قاتار كومىردى جاعۋ سالدارىنان بولىنەتىن توكسيندى ميكروبولشەكتەردى جۇتۋ جۇرەك جانە وكپە وبىرى اۋرۋىنا شالدىعۋ قاۋپىن ارتتىرادى.

اۋانىڭ ساپاسىزدىعىنا بايلانىستى نەگىزىنەن قىتاي مەن ءۇندىستان تۇرعىندارى زارداپ شەگەدى.

كەي دەرەكتەرگە قاراعاندا، قىتايدا شامامەن 1,6 ميلليونعا جۋىق، ال ءۇندىستاندا شامامەن 1,3 ميلليون ادامنىڭ ءولىمى اۋانىڭ لاستانۋىمەن بايلانىستى ەكەن.