تۇرىك كومپانياسى اقتوبەنىڭ دەنساۋلىق ساقتاۋ سالاسىنا 5.5 ميلليارد تەڭگە ينۆەستيتسيا سالماق
تۇرىك كاسىپكەرلەرى 2016-جىلدىڭ وزىندە ورتالىق جەدەل جاردەم ستانتسياسىنىڭ قۇرىلىسى مەن جابدىقتاۋعا، 35 سانيتارلىق اۆتوكولىك الۋعا 3,5 ميلليارد تەڭگە بولمەك.
سونداي-اق جەدەل كومەك كورسەتۋگە ارنالعان ءبىرىڭعاي قالالىق اقپاراتتىق-ساراپتامالىق ديسپەچەرلىك ورتالىعىن قۇرۋ جۇمىستارى مەن مەديتسينا قىزمەتكەرلەرىنىڭ ءبىلىمىن جەتىلدىرۋ، ءدارى-دارمەك شىعارۋ جۇمىستارى جۇرگىزىلەدى. سونداي-اق كومپانيا 2020-جىلى 2 ميلليارد تەڭگە قارجىنى رەانيموبيل مەن مەديتسينالىق جابدىقتاردى جاڭارتۋعا بولمەك.
قۇجاتقا قول قويار الدىندا وبلىس اكىمى بەردىبەك ساپاربايەۆ ايماقتاعى دەنساۋلىق ساقتاۋ سالاسىنىڭ جەتىستىكتەرى مەن پروبلەمالارى، اتاپ ايتقاندا ايماقتارعا جەدەل مەديتسينالىق جاردەم كورسەتۋ جاعدايى تۋرالى ايتىپ ءوتتى.
«Hemogens Health Care» كومپانياسىنىڭ باس ديرەكتورى نادجيە ارپادجى ءوز كەزەگىندە كومپانيانىڭ تۇركيا مەن ب ا ءا ەلدەرىندە اتالعان جوبالاردى جۇزەگە اسىرۋدا ۇلكەن تاجىريبەسى بار ەكەندىگىن اتاپ ءوتتى.
جوبا 8 جىلعا جوسپارلانعان. جاڭا نىسان ءۇشىن اكىمدىك اقتوبەنىڭ جاڭا قۇرىلىس الاڭىنان 2 گەكتار جەر بولەدى. وبلىس اكىمى ەكىجاقتى ىنتىماقتاستىق اياسىندا ايماقتىڭ دەنساۋلىق ساقتاۋ سالاسى داميتىنىنا سەنىم ءبىلدىردى.
