قازاقستان- قىتاي شەكاراسىندا اۆتوكولىك وتكىزەتىن 5 بەكەتتىڭ 3 ەۋى عانا جۇمىس ىستەپ تۇر
ق ر قارجى مينيسترلىگىنىڭ باسپا ءسوز قىزمەتىنەن ءمالىم ەتكەندەي، ۇسىنىلعان شارالار تۋرالى ق ر پرەمەر- ءمينيسترىنىڭ ءبىرىنشى ورىنباسارى ءاليحان سمايىلوۆتىڭ توراعالىعىمەن وتكەن كەزەكتى كەڭەستە ايتىلدى.
«قارجى مينيسترلىگىنىڭ مەملەكەتتىك كىرىستەر كوميتەتى (م ك ك) قىتاي تاراپىمەن «قالجات- دۋلاتى» جانە «مايقاپشاعاي- جيمۋناي» وتكىزۋ پۋنكتتەرىن اشۋ تۋرالى كەلىسسوزدەر جۇرگىزۋدە. سونداي-اق، م ك ك قىتايلىق تاراپ قابىلدايتىن اۆتوكولىك قۇرالدارىنىڭ سانى بەلگىلەنگەن باقىلاۋ- وتكىزۋ پۋنكتتەرى ارقىلى تاۋارلاردى وتكىزۋ ءتارتىبىن (رەگلامەنت) ايقىنداۋدى جانە جەمىستەر مەن كوكونىستەردى تاسىمالداۋشىلار ءۇشىن «جاسىل ءدالىز» ۇيىمداستىرۋ قاجەتتىلىگىن العا تارتۋدا»، - دەلىنگەن اقپاراتتا.
مينيسترلىكتەن اتاپ وتكەندەي، «نۇر جولى» باقىلاۋ- وتكىزۋ بەكەتىندە كونتاكتىسىز جۇك تاسىمالى قىتايلىق تىركەمەلەردىڭ كولىك- لوگيستيكالىق ورتالىعىنا (ك ل و) كىرۋىنە مۇمكىندىك بەرۋ ارقىلى جۇزەگە اسىرىلۋدا.
«بيىلعى 10-قاراشادان وسى مودەل بويىنشا قىتاي تاۋارلارى بار 538 كولىك تىركەمەسى اكەلىندى. ولار مەجەلى ايماقتارعا ءوتۋ ءۇشىن كلو- دا قازاقستاندىق تاسىمالداۋشىلاردىڭ كولىكتەرىنە قايتا جۇكتەلدى. قازاقستاننىڭ سىرتقى ىستەر مينيسترلىگىنىڭ مالىمەتىنە سايكەس، قىتاي تاراپى جۇكتەردى ك ل و- دا كونتاكتىسىز تاسىمالداۋ ءۇشىن تارتقىشتار سانىن كوبەيتۋدى سۇرايدى. كوميتەت جۇكتەردى «نۇر جولى» باقىلاۋ- وتكىزۋ بەكەتىندەگى كولىك- لوگيستيكالىق ورتالىقتان تۇسىرگەننەن كەيىن قايتىپ كەلە المايتىن قىتاي تىركەمەلەرىن قايتارۋ مەحانيزمىن ازىرلەپ جاتىر. سونداي- اق، «نۇر جولى» بەكەتى جۇمىس ۋاقىتى ق ح ر مەملەكەتتىك كەدەن قىزمەتكەرلەرىنىڭ جۇمىسىمەن سايكەستەندىرىلەدى دەپ جوسپارلانۋدا»، - دەدى ق ر قارجى مينيسترلىگىنىڭ باسپا ءسوز قىزمەتىنەن.
ا. سمايىلوۆ تاسىمالداۋعا قاتىسپايتىن اۆتوموبيلدەر مەن كولىك قۇرالدارىنىڭ كەزەگىن بولدىرماۋ ماقساتىندا بيىلعى 23-قازاندا ەنگىزىلگەن ەلەكتروندى كەزەكتى ەكى اي ىشىندە ۋاكىلەتتى ورگانداردىڭ مالىمەتتەر بازاسىمەن ينتەگراتسيالاۋدى تاپسىردى.
ق ر سىرتقى ىستەر مينيسترلىگىنىڭ حابارلاۋىنشا، ق ح ر بيلىگى قابىلداعان شارالار سونداي- اق، رەسەي، موڭعوليا جانە قىرعىزستانمەن شەكارادا كىرۋ رەجيمىنىڭ كۇشەيۋىنە اكەلدى. رەسەي- قىتاي شەكاراسىنداعى باقىلاۋ- وتكىزۋ بەكەتتەرى دە وتە شەكتەۋلى رەجيمدە جۇمىس ىستەيدى، بۇل كوبىنەسە شەكارا ايماعىندا كەپتەلىستەرگە الىپ كەلۋدە.
«اعىمداعى جىلدىڭ 9 ايىنىڭ قورىتىندىسى بويىنشا جۇك تاسىمالداۋ كولەمى وتكەن جىلدىڭ سايكەس كەزەڭىمەن سالىستىرعاندا %70 تومەندەدى. ايتا كەتەيىك، قازاقستان- قىتاي شەكاراسىنداعى 5 اۆتوكولىك بەكەتىنىڭ تەك 3 ەۋى عانا جۇمىس ىستەۋدە. ق ح ر جاعىنان «دۋلاتى» (قازاقستان جاعىنانان - «قالجات») جانە «جيمۋناي» (قازاقستان جاعىنان - «مايقاپشاعاي») وتكىزۋ پۋنكتتەرى جابىلدى»، - دەلىنگەن تاراتىلعان اقپاراتتا.
اۆتور: اياۋلىم التىنبەك
